Messier 100 of M100 (ook bekend as NGC 4321) is ’n spiraalsterrestelsel in die sterrebeeld Berenike se Hare. Dit is in 1781 deur Pierre Méchain ontdek saam met die Messier-voorwerpe M98 en M99, en Charles Messier het dit in dieselfde jaar in sy katalogus van komeetagtige voorwerpe opgeneem.

Messier 100
Messier 100 met sy komplekse spiraalarms. (Bron: ESO/VLT)
Messier 100 met sy komplekse spiraalarms.
(Bron: ESO/VLT)
Soort stelsel Spiraalsterrestelsel
Sterrebeeld Berenike se Hare
Tipe SAB(s)bc
Waarnemingsdata (Epog J2000)
Regte klimming 12h 22m 54,9s
Deklinasie +15º 19' 21"
Skynmagnitude 10,1
Besonderhede
Afstand (ligjaar) 55 miljoen
Skynbare grootte  7′,4 × 6′,3
Rooiverskuiwing  5,240 x 10−6
Kenmerke Steruitbarstingstelsel
Ander name NGC 4321
Portaal  Portaalicoon   Sterrekunde

Dit is een van die grootste en helderste sterrestelsels in die Virgo-sterrestelselswerm. Dit is sowat 55 miljoen ligjare van die Aarde af[1] en het ’n deursnee van 160 000 ligjare. Dit was een van die eerste spiraalstelsels wat ontdek is.[2]

StervormingWysig

Messier 100 word beskou as ’n steruitbarsting-sterrestelsel,[3] waar nuwe sterre al minstens die afgelope 500 miljoen jaar gevorm word in ’n kring (gevorm deur die spiraalarms) van sowat 1 000 parsek.[4]

Soos by baie ander spiraalstelsels in die Virgo-swerm, is daar ’n afplatting van beide stervorming[5] en neutrale waterstof (waarvan M100 min het in vergelyking met soortgelyke stelsels)[6] in die sterrestelsel se skyf – ’n verskynsel wat veroorsaak word deur ’n interaksie met die binnekant van die Virgo-swerm.

SupernovasWysig

Vyf supernovas is al in M100 waargeneem.[7] In Maart 1901 is die eerste een, die tipe I-supernova SN 1901B, ontdek[7][8] met ’n skynbare helderheid van 15,6 mag. SN 1914A is in Februarie/Maart 1914 gevind. Die tipe kon nie vasgestel word nie, maar dit het ’n skynbare helderheid van 15,7 mag gehad.[7][9] Nog ’n tipe I, SN 1959E, is van 21 Februarie tot 17 Junie 1960 gesien,[7][10] met die dofste magnitude van die vyf wat gevind is: 17,5. Op 15 April 1979 is die eerste tipe II-supernova in M100 gevind; maar SN 1979C het vinnig verdof.[7][11] Die laaste supernova is op 7 Februarie 2006 ontdek; SN 2006X het ’n magnitude van 15,3 gehad toe dit ontdek is. Twee weke later het dit verdof tot 17 mag.[7][12]

VerwysingsWysig

  1. "Messier 100" (in Engels). Hearst Observatory. Geargiveer vanaf die oorspronklike op 5 Maart 2016. Besoek op 23 Februarie 2010.
  2. "Messier 100". SEDS: Observations and Descriptions (in Engels). Geargiveer vanaf die oorspronklike op 24 Junie 2011. Besoek op 23 Februarie 2010.
  3. Wozniak, H.; Friedli, D.; Martinet, L.; Pfenniger, D. (1999). "Double-barred starburst galaxies viewed by ISOCAM". The Universe as Seen by ISO.: 989. Bibcode:1999ESASP.427..989W.AS1-onderhoud: meer as een naam: authors list (link)
  4. Allard, E. L.; Knapen, J. H.; Peletier, R. F.; Sarzi, M. (2006). "The star formation history and evolution of the circumnuclear region of M100". Monthly Notices of The Royal Astronomical Society. 371 (3): 1087–1105. arXiv:astro-ph/0606490. Bibcode:2006MNRAS.371.1087A. doi:10.1111/j.1365-2966.2006.10751.x.AS1-onderhoud: meer as een naam: authors list (link)
  5. R. A. Koopmann, J. D. P. Kenney (2004). "Hα Morphologies and Environmental Effects in Virgo Cluster Spiral Galaxies". Astrophysical Journal. 613 (2): 866–885. arXiv:astro-ph/0406243. Bibcode:2004ApJ...613..866K. doi:10.1086/423191.
  6. Chung, A.; Van Gorkom, J.H.; Kenney, J.F.P.; Crowl, Hugh; Vollmer, B. (2009). "VLA Imaging of Virgo Spirals in Atomic Gas (VIVA). I. The Atlas and the H I Properties". the Astronomical Journal. 138 (6): 1741–1816. Bibcode:2009AJ....138.1741C. doi:10.1088/0004-6256/138/6/1741.
  7. 7,0 7,1 7,2 7,3 7,4 7,5 "Messier 100". SEDS: Spiral Galaxy M100 (NGC 4321), type Sc, in Coma Berenices (in Engels). Geargiveer vanaf die oorspronklike op 3 September 2011. Besoek op 23 Februarie 2010.
  8. "SN 1901B -- SuperNova". SIMBAD. Besoek op 2010-02-23.
  9. "SN 1914A -- SuperNova". SIMBAD (in Engels). Geargiveer vanaf die oorspronklike op 3 Maart 2016. Besoek op 23 Februarie 2010.
  10. "SN 1959E -- SuperNova". SIMBAD (in Engels). Geargiveer vanaf die oorspronklike op 3 Maart 2016. Besoek op 23 Februarie 2010.
  11. "SN 1979C -- SuperNova". SIMBAD (in Engels). Geargiveer vanaf die oorspronklike op 4 Maart 2016. Besoek op 23 Februarie 2010.
  12. "SN 2006X -- SuperNova". SIMBAD (in Engels). Geargiveer vanaf die oorspronklike op 10 Maart 2016. Besoek op 23 Februarie 2010.

Eksterne skakelsWysig

Koördinate:   12h 22m 54.9s, +15° 49′ 21″