Michael Cardo
Michael John Cardo (gebore op 28 Junie 1977) is 'n Suid-Afrikaanse skrywer, akademikus en politikus wat sedert Junie 2019 as die skaduminister van indiensneming en arbeid dien. Hy is in Mei 2014 tot die Nasionale Vergadering van Suid-Afrika verkies. Tussen Junie 2015 en Junie 2019 was hy die skaduminister van ekonomiese ontwikkeling. Cardo is 'n lid van die Demokratiese Alliansie.
| Michael Cardo | |
Lid van die parlement
| |
| Ampsbekleër | |
| Termynaanvang 21 Mei 2014 | |
Skaduminister van indiensneming en arbeid
| |
|---|---|
| Ampsbekleër | |
| Termynaanvang 5 Junie 2019 | |
| Leier | Mmusi Maimane John Steenhuisen |
| Voorafgegaan deur | nuwe pos |
Skaduminister van ekonomiese ontwikkeling
| |
| Ampstermyn 18 Junie 2015 – 5 Junie 2019 | |
| Leier | Mmusi Maimane |
| Voorafgegaan deur | Kobus Marais |
Persoonlike besonderhede
| |
| Gebore | Michael John Cardo 28 Junie 1977 Durban |
| Politieke party | Demokratiese Alliansie |
Vroeë lewe en opvoeding
wysigCardo is in 1977 in Durban gebore. [1] Hy het 'n BA Honneurs in geskiedenis aan die Universiteit van Natal behaal. Hy het 'n MPhil en 'n PhD in geskiedenis aan die Universiteit van Cambridge. Hy het die Trinity College bygewoon vir sy studie aan Cambridge.[2]
Politieke loopbaan
wysigIn 2003 het Cardo by die politieke personeel van die Demokratiese Alliansie aangesluit en as 'n stafhoof gewerk in die kantoor van die DA-leier Tony Leon. [3] Tussen 2004 en 2006 was hy die nasionale direkteur van navorsing by die party. Gedurende die algemene verkiesingsveldtog van 2009 werk Cardo as Helen Zille se toespraakskrywer.
Hierna, tussen 2011 en 2014, was hy werksaam in die beleid- en strategie-eenheid van die departement van die premier in die Wes-Kaapse regering. [3]
Parlementêre loopbaan
wysigVoor die algemene verkiesing op 7 Mei 2014 het Cardo as 'n DA-parlementêre kandidaat 'n setel in die Nasionale Vergadering verower. [4] Hy is op 21 Mei 2014 as lid van die parlement beëdig. In Junie 2014 is hy toewys aan die portefeuljekomitee vir staatsdiens en administrasie, prestasiemonitering en -evaluering en die permanente komitee vir die ouditeur-generaal.
Die vorige DA-parlementêre leier, Mmusi Maimane, het hom op 18 Junie 2015 as die skaduminister van ekonomiese ontwikkeling aangestel [5] en hy word 'n lid van die portefeuljekomitee.
Cardo is in Mei 2019 vir 'n tweede termyn as LP herkies. [2] In Junie 2019 word hy die skaduminister van indiensneming en arbeid. Hy word later daardie maand lid van die portefeuljekomitee vir indiensneming en arbeid.
Cardo bly in sy pos as skaduminister vir indiensneming en arbeid in John Steenhuisen se skadukabinet. [6]
Persoonlike lewe
wysigCardo is een van 'n aantal openlike LGBTQ+ parlementslede.
Cardo is in 2006 bekroon met 'n besoekende navorsingsgenootskap aan die Helen Suzman-stigting,[3] waartydens hy 'n biografie van die voormalige Suid-Afrikaanse Liberale Party leier, Peter Brown, geskryf het, getiteld Opening Men’s Eyes: Peter Brown and the Liberal Struggle for South Africa (Jonathan Ball: 2010).
Verwysings
wysig- ↑ "Michael Cardo - verkorte CV". Jonathan Ball Publishers. Besoek op 5 Februarie 2021.
- ↑ 2,0 2,1 "Dr Michael John Cardo MP". University of Cape Town. Besoek op 17 Oktober 2020.
- ↑ 3,0 3,1 3,2 "Michael Cardo". Literary Tourism. Geargiveer vanaf die oorspronklike op 18 Oktober 2020. Besoek op 17 Oktober 2020. Verwysingfout: Invalid
<ref>tag; name "LT" defined multiple times with different content - ↑ "Dr Michael John Cardo". People's Assembly. Besoek op 17 Oktober 2020.
- ↑ Steenhuisen, John (18 Junie 2015). "David Maynier new DA Shadow Minister of Finance - John Steenhuisen". Politicsweb. Besoek op 17 Oktober 2020.
- ↑ Mazzone, Natasha. "DA announces new Shadow Cabinet that will bring Real Hope and Real Change". Democratic Alliance. Besoek op 5 Desember 2020.