Mikojan
Die Russiese vliegtuigkorporasie MiG (Russies: Российская самолетостроительная корпорация «МиГ») is 'n Russiese gesamentlike aandeleonderneming. Dit het aanvanklik die Mikojan-en-Goerewitsj-ontwerpburo (Russies: Микоян и Гуревич, МиГ) geheet, maar later slegs "Mikojan". Dit is 'n militêre vliegtuigontwerpburo wat hoofsaaklik vegvliegtuie ontwerp, met sy hoofkantoor in Begowoi-distrik, Noord- Administratiewe Okroeg, Moskou.[1]
| Mikojan | |
| Tipe | Afdeling |
|---|---|
| Gestig | Desember 1939 (as OKB-155 in 1942) |
| Hoofkantoor | Moskou, Rusland |
| Sleutelpersone | Artem Mikojan en Michail Goerewitsj, maatskappystigters |
| Industrie | Ruimte en verdediging |
| Produkte | Militêre en burgerlike vliegtuie |
| Moedermaatskappy | Verenigde Vliegtuigkorporasie |
| Webwerf | migavia.ru |
Dit was voorheen 'n Sowjet-ontwerpburo, en is deur Artem Mikojan en Michail Goerewitsj gestig as "Mikojan en Goerewitsj", met die burovoorvoegsel "MiG". Ná Mikojan se dood in 1970 is Goerewitsj se naam geskrap uit die buro se naam, hoewel die "MiG" gebly het. Die firma bedryf ook verskeie masjienbou- en ontwerpburo's, insluitend die Kamof-helikopteraanleg.
MiG-vliegtuie is die stapelvoorsiening vir die voormalige Sowjet- en huidige Russiese Lugmag, en die Sowjetunie het baie van hierdie vliegtuie aan regerings binne sy invloedsfeer verkoop. Hulle is gebruik deur die weermagte van China, Noord-Korea, en Noord-Viëtnam in lugkonfrontasies met die Amerikaanse en Geallieerde magte, en vorm ook deel van die lugmagte van baie Arabiese lande.
In 2006 het die Russiese regering al die Mikojanaandele saamgesmelt met Iljoesjin, Irkoet, Soechoi, Toepolef en Jakowlef in 'n nuwe maatskappy met die naam Verenigde Vliegtuigkorporasie.[2] Mikojan en Soechoi is spesifiek binne dieselfde bedryfseenheid geplaas.[3]
Bekende MiG-vegvliegtuie
wysig-
MiG-15 -
MiG-21 -
MiG-23 -
-
-
MiG-35
Verwysings
wysig
Wikimedia Commons het meer media in die kategorie Mikojan.
- ↑ "Contacts Geargiveer 21 September 2011 op Wayback Machine." Mikoyan. Besoek op 30 Augustus 2011. "Russian Aircraft Corporation "MiG" 125284, Russian Federation, Moscow, 1-st Botkinsky drive, 7" – Adres in Russies Geargiveer 28 Augustus 2011 op Wayback Machine: "125284, Российская Федерация, Москва, 1-й Боткинский проезд, д.7"
- ↑ Russian Aircraft Industry Seeks Revival Through Merger. The New York Times 2 Februarie 2006.
- ↑ "Aviationweek.com". Geargiveer vanaf die oorspronklike op 21 Maart 2010. Besoek op 2 Augustus 2014.
 | Hierdie lugvaartartikel is 'n saadjie. Jy kan Wikipedia help deur dit uit te brei. |