MiG-29
Die Mikojan-Goerewitsj MiG-29 (Russies Микоян МиГ-29) is 'n vierde-generasie vegvliegtuig wat in die Sowjetunie met die oog op lugoorheersing ontwerp is. Nadat die MiG-29 in die 1970's deur die ontwerpateljee van Mikojan-i-Goerewitsj ontwikkel is, is dit in 1983 deur die Sowjetlugmag in gebruik geneem. Die vegvliegtuig is nog steeds in diens van die Russiese en talle ander lugmagte.
| MiG-29 | |
|---|---|
.jpg) | |
| 'n MiG-29 van die Duitse Lugmag oor die Golf van Meksiko | |
| Tipe | Lugoorheersingvegter, meerdoelige vegter |
| Vervaardiger | Mikojan |
| Ontwerp deur | Mikojan |
| Nooiensvlug | 6 Oktober 1977 |
| Bekendstelling | Julie 1983 |
| Status | In gebruik |
| Hoofgebruikers | Russiese Lugmag Indiese Lugmag Poolse Lugmag Oekraïense Lugmag Siriese Lugmag |
| Vervaardig | 1982–hede |
| Aantal gebou | 1 600+[1] |
| Eenheidskoste | VS$11 miljoen[2][3] (MiG-29B, 1984, 1999) VS$29 miljoen (gemiddelde koste, 2009) |
| Weergawes | MiG-29M MiG-29K MiG-35 |
In verslae van die Noord-Atlantiese Verdragsorganisasie (NAVO) word na die MiG-29 as Fulcrum verwys. Die Sowjet-vegvliegtuig is saam met die Su-27 ontwikkel om nuwe Amerikaanse vegvliegtuie soos die F-15 Eagle en die General Dynamics F-16 Fighting Falcon die hoof te bied.[4]
Die enigste NAVO-lidstaat, wat MiG-29-vegvliegtuie voor die uitbreiding van die NAVO na Oos-Europa gebruik het, was Duitsland nadat 24 vliegtuie (20 MiG-29 A en 4 MiG-29 UB) ná die hereniging met die Duitse Demokratiese Republiek in 1990 van die Oos-Duitse Nationale Volksarmee ("Nasionale Volksleër") oorgeneem is. Ná 'n toetsfase en die ombou volgens NAVO-standaarde is die vegvliegtuie onder die nuwe naam MiG-29 G en GT ('n afkorting van German en German Trainer) deur die Duitse Lugmag (Luftwaffe) gebruik. Die vliegtuie is later aan Pole verkoop.
Sien ook
wysigVerwysings
wysig- ↑ (en) "Products: Military Programs." Geargiveer 20 November 2010 op Wayback Machine migavia.ru/eng. Besoek op 17 Mei 2014.
- ↑ (en) Gordon and Davison 2005, bl. 61.
- ↑ (en) "MiG-29s to be jettisoned"
- ↑ Alexander Zuyev en Malcolm McConnell: Fulcrum: A Top Gun Pilot's Escape From the Soviet Empire. Warner Books 1993
Eksterne skakels
wysig
Wikimedia Commons het meer media in die kategorie MiG-29.
