Molly & Wors (rolprent)

Molly en Wors is 'n Afrikaanse rolprent wat op 27 September 2013 vrygestel is met die hoofrolle gespeel deur Willie Esterhuizen en Lizz Meiring. Van die hoogtepunte in die fliek is in Amsterdam geskiet, met die res van die verfilming wat in Oos-Londen, Kemptonpark en Johannesburg plaasgevind het. Van die tonele in ook in Long Beach, Kalifornië geskiet.

Molly & Wors
Regisseur	Willie en Pieter Esterhuizen
Met	Willie Esterhuizen Lizz Meiring Carien Botha
Musiek deur	Toby Esterhuizen
Kinematografie	André van den Heever
Redigeerder	Pieter Esterhuizen
Ateljee	Aardbol Films
Uitgereik	27 September 2013
Speeltyd	109 minute
Land	Suid-Afrika
Taal	Afrikaans
Voorafgegaan deur	Molly en Wors (TV-reeks)
IMDb-profiel

Genre

Die rolprent is 'n komedie. Dit is van Engelse onderskrifte voorsien en het 'n ouderdomsperk van 10–12 jaar. Ouerleiding word aanbeveel.

Hoofkarakters

• Lizz Meiring as Molly Visagie
• Willie Esterhuizen as Wors Visagie
• Carien Botha as Blapsie Visagie
• Lelia Etsebeth as Bokkie Botha
• Gerhard Odendaal as Vaatjie Visagie
• Cherie van der Merwe as Charminay
• Marga van Rooy as Ella Visagie
• Alvin Bruinders as Melvin
• Karin van der Laag as Savannah Wessels
• Karen Wessels as Hester
• Marcel van Heerden as prokureur
• Danie Putter as Sakkie Byleveld
• Pumla Ndlazi as Thoko, E.P.O.L.-offisier
• Joey Yusuf Rasdien as magistraat (as Joey Rasdien)
• Albert de Villiers as Hardus Vogel

Storielyn

Wors werk by F1 Fitment Centre in Johannesburg en staan 'n kans om die Verkoopsman van die Jaar-toekenning te wen. Dis nie die eerste keer wat hy genomineer is nie, maar hy het nog nooit die prys gewen nie. Molly en sy ma, Ella (Marga van Rooy), gaan saam na die prysuitdeling omdat daar gratis kos en drank is. Sy is seker hy gaan nie wen nie. Volgens haar is Wors altyd die strooimeisie, nooit die bruid nie. Wors wen egter 'n reis na Amsterdam. Molly gaan saam, maar dinge werk nie uit nie en Wors eindig alleen in Amsterdam op. Daar wag allerlei sports op hom, maar hy is salig onbewus van alles wat tuis in Suid-Afrika aan die kook is. Gaan sy en Molly se huwelik dit kan oorleef?

Sien ook

• Lys van Afrikaanse rolprente
• Molly en Wors, die TV-reeks