Moltenodam

Moltenodam
	; Moltenodam
Amptelike naam	Moltenodam
Ligging
Provinsie/Land	Suid-Afrika
Koördinate	33°56′19″S 18°24′43″O / 33.9385°S 18.412°O
Doel	Huishoudelike en industriële water
Konstruksie begin	1877
Openingsdatum	1881
Eienaar	Departement Waterwese
Soort dam	Grondvulling
Hoogte van wal	21 m
Lengte van wal	285 m
Bakmaat	3 000 000 m3
Damoppervlak	36 ha

Moltenodam is 'n klein, historiese dam wat in die De Waalpark in die voorstad van Oranjezicht, Kaapstad teen die laer helling van Tafelberg in Wes-Kaap, Suid-Afrika geleë is. Dit is in 1877 gebou en word nou nog gebruik.

Agtergrond en Konstruksie

Oorspronklik is Kaapstad deur kanale, oftewel gragte met water, vanaf Tafelberg voorsien: vandaar die benaming van groot strate soos Buitengracht, Keizersgracht en Heerengracht. Dit was nodig om die kanale te bedek aangesien dit openbare gesondheidsrisiko's ingehou het. Die stadsraad het ooreengekom dat die stad se groei dit nodig gemaak het om 'n dam op die helling van Tafelberg te bou, om sodoende water uit bergbronne te stoor en te keer dat dit ongebruik na die see sou vloei.

Die dam se konstruksie het deel gevorm van 'n groot infrastruktuuruitbreidingsprojek wat deur Eerste Minister John Molteno begin is. Die dam is dus na hom vernoem. Hy het later die Kaap se eerste wateringenieur, Mnr. John Gamble, asook die burgemeester David Graaff aangestel. Kort na die dam se opening, is die eerste kragsentrale in Suid-Afrika, die Graaff Electric Lighting Works, ook vernoem na die burgemeester, langs die dam opgerig.

Die dam was veronderstel om meer as 50 000 000 gelling water in sanderige, porieuse klei op te gaar, wat van die begin van die projek 'n uitdaging vir ingenieurs was. Die eindproduk is jare later voltooi en het 'n mengsel van uitgrawing en messelwerk-ondersteunde walle ingesluit.^[1]

'n Foto van Moltenodam kort na dit gebou is, met Leeukop in die agtergrond. Die wit gebou agter die dam is die 'Graaff Electric Lighting Works', Kaapstad se eerste kragstasie.
Die bouwerk van Moltenodam uitgebeeld uit 'n ander oogpunt.
Moltenodam met "Graaff Electric Lighting Works" in die agtergrond.
'n Skets van die dam se konstruksie in die 19e eeu, 'n uitdaging vir ingeneurs in daardie tyd.

Sien ook

Lys van grootste damme in Suid-Afrika

Verwysings

↑ Brooke Simons, Phillida (2000). Ice Cold in Africa: The History of Imperial Cold Storage & Supply Company Limited. Cape Town: Fernwood Press. p. 27. ISBN 1-874950-50-4.

Eksterne skakels

Wikimedia Commons het meer media in die kategorie Moltenodam.

[1] Brooke Simons, Phillida (2000). Ice Cold in Africa: The History of Imperial Cold Storage & Supply Company Limited. Cape Town: Fernwood Press. p. 27. ISBN 1-874950-50-4.

[1]