Monte Soratte is 'n alleenstaande berg met ses pieke en 'n hoogte van 691 m bo seevlak wat in die historiese landskap Latium (Italiaans: Lazio) geleë is en tans administratief onder die Metropolitane Stad Rome Hoofstad val, sowat 10 km suidoos van Civita Castellana en 45 km noord van Rome. Die mees nabygeleë nedersetting is Sant'Oreste. Monte Soratte is die enigste noemenswaardige bergpiek in die Tibervallei en maak geologies deel uit van die Sabynse heuwels oorkant die Tiberrivier.

Monte Soratte
Noordelike aansig Noordelike aansig
Ligging Metropolitane Stad Rome Hoofstad, Lazio, Italië
Hoogte 691 meter bo seevlak
Reeks Enkele bergpiek
Koördinate 42°14′40″N 12°30′11″O / 42.24444°N 12.50306°O / 42.24444; 12.50306Koördinate: 42°14′40″N 12°30′11″O / 42.24444°N 12.50306°O / 42.24444; 12.50306
Monte Soratte met oggendmis.

Vides ut alta stet nive candidum Soracte (…)
"Jy sien Soracte se piek skitter met 'n dik laag sneeu (…)"
Horatius, c. 1,9 – Wintergedig

Monte Soratte word sedert die antieke tydperk, toe dit in Latyn as mons Soracte bekendgestaan gestaan het, onder die wêreld se heilige berge gereken en het ingang tot die antieke Romeinse en Romantiese Engelse digkuns gevind. Terwyl Vergilius in sy Aeneïs na Apollo as Soracte se beskermgod verwys, het Horatius se beroemde "Wintergedig" (Carmen 1, 9), wat aan Thaliarchus gerig is, aan die piek gewy.[1] Deesdae is Monte Soratte, anders as deur Horatius beskryf, gedurende die wintermaande nie meer sneeubedek nie. Moontlik was die klimaat gedurende sy leeftyd kouer as vandag.

Die Engelse Romantiese digter Lord Byron verwys in sy lang narratiewe gedig Childe Harold's Pilgrimage, wat tussen 1812 en 1818 gepubliseer is, na die bergpiek.

Verwysings wysig