Moreletakloofnatuurreservaat
Die Moreletakloofnatuurreservaat in die ooste van Pretoria was deel van die plaas wat aan Jacobus en Cornelia Erasmus behoort het. Hulle het in die vroeë 1800's 'n melkboerdery hier bedryf. Carel Erasmus het die plaas in 1877 gekoop en 'n huis daarop gebou; dié huis is omskep in 'n kapel. In 1903 het sy skoonseun, Johan Marneweck, nog 'n huis op die plaas gebou; dié huis is omskep in 'n restaurant.[2] Die reservaat word deur die Tshwane Metropolitaanse Munisipaliteit bestuur en toegang tot die reservaat is gratis.[3]
| Moreletakloofnatuurreservaat | |
|---|---|
 | |
| Land | Suid-Afrika |
| Provinsie | Gauteng |
| Naaste dorp | Pretoria |
  Moreletakloofnatuurreservaat |
|
| Koördinate: 25°49′00.80″S 28°17′28.20″O / 25.8168889°S 28.2911667°O | |
| Oppervlak | 100 ha[1] |
| Bestuursliggaam | Tshwane |
| Webblad | Moreletakloofnatuurreservaat |
Habitat en natuurlewe
wysigDie habitat bestaan uit Bankenveld, wat plaaslik verteenwoordig word deur bosveld, benewens vleie en rivierbos aanliggend aan die Rademeyerspruit, 'n sytak van die Moreleta. Wabome groei teen die hoër hellings, terwyl die blompeer in die winterseisoen opvallend vertoon. Weens die verskillende habitatte is baie voëlsoorte te sien, waaronder tarentale, kiewiete en fisante. Somerbesoekende voëlspesies sluit die swartkoekoek, Piet-my-vrou, Europese byvreter en grootstreepswael in. Wild soos volstruise, bosbokke, springbokke, blesbokke, rooibokke en sebras is ingevoer. Weens die lokaal vogtige valleiklimaat is baie spesies fungi al aangeteken.
Fasiliteite en aktiwiteite
wysig
Die reservaat het verskeie staproetes, 'n restaurant en 'n plek waar troues gehou kan word.
Staproetes:
- Rademeyerroete: 1,6 km
- Duikerroete: 2,9 km
- Suikerbosroete: 3,3 km
- Sensoriese roete vir gestremdes
Besoektye
wysig- Somer (September – April): 06:00 – 18:00
- Winter (Mei – Augustus): 06:00 – 18:00
Verwysings
wysig- ↑ "Moreleta Kloof Nature Reserve" (in Engels). Friends of Moreleta Kloof. Geargiveer vanaf die oorspronklike op 18 Februarie 2017. Besoek op 13 April 2017.
- ↑ "Moreleta Kloof Nature Area" (in Engels). City of Tshwane. Geargiveer vanaf die oorspronklike op 10 April 2019. Besoek op 13 April 2017.
- ↑ "Gauteng Game and Nature Reserves: The Moreleta Kloof Nature Reserve" (in Engels). SA Venues. Geargiveer vanaf die oorspronklike op 26 November 2018. Besoek op 13 April 2017.