Moreletaspruit
Die Moreletaspruit is 'n rivier in Gauteng, Suid-Afrika. Dit is 'n sytak van die Hartbeesspruit.[1] Die naam is afgelei van moretla, die Sothonaam vir die rosyntjiebos (Grewia flava).[2]
| Moreletaspruit Moretelerivier; Morelettaspruit | |
|---|---|
 | |
| Stroomgebied | Gauteng |
| Oorsprong | Pretoria-Oos |
| Monding | Hartbeesspruit |
  Moreletaspruit |
|
| Koördinate: 25°40′51.22″S 28°17′22.46″O / 25.6808944°S 28.2895722°OKoördinate: 25°40′51.22″S 28°17′22.46″O / 25.6808944°S 28.2895722°O | |
Ontstaan en roete wysig
Die spruit ontspring in Moreletapark, Garsfontein en gedeeltes van die plaas Tweefontein in die ooste van Pretoria en vloei noordwaarts deur Faerie Glen, Lynnwood Glen, Lynnwoodrif, Lynnwood Manor en Murrayfield waar dit onderdeur die N4-nasionale pad vloei. Noord van die N4, vloei dit deur Val de Grace, Silverton, Waltloo en verby Eersterust waar dit onderdeur die R513-streeksroete vloei en by die Hartbeesspruit aansluit. Saam vloei hul daarna in 'n noordoostelike rigting tot in die Roodeplaatdam.[3]
Geologie wysig
Die Moreletaspruit is 'n standhoudende stroom wat deur verskeie sytakke gevoed word. Die bron van die stroom is uit die malmani-dolomiet wat in die suide van Pretoria gevind word. Die dolomiet is gespleet en stoor aansienlike hoeveelhede water, wat 'n paar fonteine laat ontstaan.[4]
Verwysings wysig
- ↑ "Situational Analysis, GAP Analysis, Action Plan and Stakeholder Engagement for Phase 1 of the Moreleta Spruit Adopt-a-River Project, 1.2 Location" (PDF). Department of Water Affairs. Besoek op 23 Junie 2014.
- ↑ "Situational Analysis, GAP Analysis, Action Plan and Stakeholder Engagement for Phase 1 of the Moreleta Spruit Adopt-a-River Project, 3.1 Historical overview" (PDF). Departement van Waterwese. Besoek op 23 Junie 2014.
- ↑ "Development and Management Plan for the Lynnwood Road - Brookside Road Section of the Moreletaspruit, For the years 2004 to 2008, Appendix 1, Compiled November 2003" (PDF). Friends of Moreletaspruit. Geargiveer vanaf die oorspronklike (PDF) op 3 Maart 2016. Besoek op 23 Junie 2014.
- ↑ "Situational Analysis, GAP Analysis, Action Plan and Stakeholder Engagement for Phase 1 of the Moreleta Spruit Adopt-a-River Project, 3.2 Current Ecological Status" (PDF). Departement van Waterwese. Besoek op 24 Junie 2014.