Die Munyatirivier (Umniatirivier) is 'n rivier in Zimbabwe.

Munyatirivier
Oorsprong Daramumbe-bergreeks (Zimbabwe)
Monding Karibadam, Zimbabwe
Zambezirivier
Stroomgebied Zimbabwe
Lengte 500 km
Oorspronghoogte 1 400 m
Mondinghoogte 488 m
Gemiddelde afloop 107 m³/s
Stroomgebiedopp. 43 500 km²
Kaart van die Munyatirivier-bekken in Afrika.
Kaart van die Munyatirivier-bekken in Afrika.

Oorsprong wysig

Hierdie rivier ontspring op 1 400 m bo seevlak in die Daramumbe-bergreeks op 'n waterskeiding 50 km noord van Chivhu in die provinsie Midlands, en 100 km suid van Harare.

Loop wysig

Die Munyati vloei noordweswaarts, deur die Ngezipark en verby die dorpe Munyati en Sanyati. By die myndorp Copper Queen vloei die Munyati en die Mupfurerivier (Umfulirivier) ineen en staan van daar af stroomafwaarts as die Sanyatirivier (“die rivier van die baie buffels”) bekend en mond uit in die Karibadam. Gesamentlik het die Munyati en die Sanyati 'n lengte van nagenoeg 520 km. Die Mupfure-, Umswewe- en die Sebakweriviere is die grootste sytakke. In die reënseisoen loop die rivierstelsel sterk, maar in die winter is die beddings dikwels droog.

Damme wysig

Die Sanyatirivier se opvanggebied is 44 420 km² groot. In hierdie bekken is verskeie beduidende groot damme:

  • Ngezidam in die Ngezirivier
  • Sebakwedam en die Dutchman’s Pool in die Sebakwerivier
  • Whitewatersdam en die Cactus Poort-dam in die Kwekwerivier
  • John Mac-meer in die Umswewerivier
  • Suri Suri-dam in die boloop van die Mupfurerivier
  • Lower Zivagwe-dam (noord van Kwekwe) in die Sebakwerivier. (Die Kwekwerivier loop in die Sebakwerivier, wat op sy beurt in die Munyatirivier vloei).

Waterval wysig

Die Gandavaroyi-waterval (Ganderowe-waterval) is by 17° 17′ suid en 29° 8′ oos in die Sanyatirivier. Dit is in die Gokwe-distrik, suidwes van Karoi in die provinsie Majonaland-Wes.

Bibliografie wysig

  • academic-eb-com.eres.qnl.qa
  • britannica.com
  • victoriafallszimbabwe.org