Myrtaceae

Myrtaceae is die bloekom en koejawel-familie wat hoort tot die orde Myrtales. Die familie bevat meer as 3 000 spesies wêreldwyd en kom hoofsaaklik in die tropiese areas voor. Vyf-en-twintig van die spesies kom in Suid-Afrika voor en slegs 20 is bome.

Myrtaceae
Myrtus communis blare en blomme.
Wetenskaplike klassifikasie
Koninkryk:	Plantae
Divisie:	Magnoliophyta
Klas:	Magnoliopsida
Orde:	Myrtales
Familie:	Myrtaceae Juss.
Genera
Omtrent 130; sien teks.

Die familie is algemeen in Amerika (koejawelbome) en Australië (bloekombome), maar is skaars in Afrika. Baie van die spesies bevat olies wat in spesiale kliere in die jong lote, blomme en vrugte voorkom. Dié familie se plante voorsien naeltjies, wonderpeper, die olie wat gebruik word om lourierwater te produseer en terpentyngom.

Genera

Vier genera kom natuurlik in Suid-Afrika voor: Eugenia, Metrosideros, Heteropyxis‎ en Syzygium. Eucalyptus is 'n genus wat in Suid-Afrika genaturaliseer geraak het en word as indringerplante beskou word.

Sien ook

• Alfabetiese lys van Suid-Afrikaanse bome

Bronne

• Algemene gids tot BOME. Keith, Paul & Meg Coates Palgrave. 2000. ISBN 1-86872-527-8
• Watter Boom is dit? Eugene Moll. 2013. ISBN 978 1 77007 832 1