Omega-newel
Die Omega-newel (ook bekend as die Swaan-, Kreef- of Hoefyster-newel, Messier 17 en NGC 6618) is ’n emissienewel in die sterrebeeld Boogskutter. Dit is in 1745 deur Philippe Loys de Chéseaux ontdek en Charles Messier het dit in 1764 in sy katalogus van komeetagtige voorwerpe opgeneem. Dit is geleë in die ryk stervelde van die Boogskutter-gebied van die Melkweg.
| Omega-newel | ||||
.jpg)
| ||||
| Die stervormende streek Messier 17. (Bron: ESO) | ||||
| Soort newel | Emissienewel | |||
| Sterrebeeld | Boogskutter | |||
| Waarnemingsdata (Epog J2000) | ||||
| Regte klimming | 18h 20m 26s | |||
| Deklinasie | -16º 10' 36" | |||
| Skynmagnitude (m) | 6 | |||
| Besonderhede | ||||
| Afstand (ligjaar) | 5 000-6 000 | |||
| Skynbare grootte | 11' | |||
| Ander name | ||||
| Swaan-, Kreef-, Hoefyster-newel, Messier 17, NGC 6618, Sharpless 45, RCW 160, Gum 81 | ||||
| ||||
Die Omega-newel is tussen 5 000 en 6 000 ligjare van die Aarde af en strek sowat 15 ligjare ver. Die wolk van interstellêre materiaal waarvan die newel deel is, het ’n deursnee van sowat 40 ligjare en ’n massa van 30 000 sonmassas.[1] Omega self se massa word geraam op sowat 800 sonmassas.[2] Dit word beskou as een van die helderste en grootste stervormende streke in ons sterrestelsel.[3]
’n Oop sterreswerm van 35 sterre lê in die newelagtigheid en veroorsaak dat die gasse van die newel glinster vanweë bestraling deur hierdie warm jong sterre. Daar is egter heelwat meer sterre in die newel, tot 800.
Verwysings
wysig- ↑ "Eagle and Omega – Galaxy Map" (in Engels). Geargiveer vanaf die oorspronklike op 21 Oktober 2019. Besoek op 24 Julie 2012.
- ↑ "Messier 17" (in Engels). SEDS. 13 Augustus 2007. Geargiveer vanaf die oorspronklike op 12 Oktober 1999. Besoek op 9 Maart 2011.
- ↑ Povich, M.S.; Churchwell, E.; Bieging, J.H.; Kang, M.; Whitney, B.A.; Brogan, C.A.; Kulesa, C.A.; Cohen, M.; Babler, B.L.; Indebetouw, R.; Meade, M.; Robitaille, T.P. (2009). "The Extended Environment of M17: A Star Formation History". The Astrophysical Journal. 696 (2): 1278–1306. arXiv:0902.3280. Bibcode:2009ApJ...696.1278P. doi:10.1088/0004-637X/696/2/1278.
Eksterne skakels
wysig- SEDS: Messier 17
- Omega by ESA/Hubble Geargiveer 30 September 2007 op Wayback Machine
- Omega-newel op WikiSky: DSS2, SDSS, GALEX, IRAS, Hydrogen α, X-Ray, Astrophoto, Sky Map, Artikels en foto's
Wikimedia Commons het meer media in die kategorie Omega-newel.
Hierdie artikel is vertaal uit die Engelse Wikipedia
