Messier 69
(Aangestuur vanaf NGC 6637)
Messier 69 of M69 (ook bekend as NGC 6637) is ’n bolvormige sterreswerm in die sterrebeeld Boogskutter. Dit is op 31 Augustus 1780 deur Charles Messier ontdek en in sy katalogus van komeetagtige voorwerpe opgeneem. Hy het op dié tydstip gesoek na ’n voorwerp wat LaCaille in 1751-'52 beskryf het en het gedink hy het dit herontdek, maar dit is nie duidelik of LaCaille in werklikheid M69 beskryf het nie.
| Messier 69 | ||||
| ||||
| Messier 69 soos afgeneem deur die Hubble-ruimteteleskoop. (Bron: Nasa/STScI/WikiSky) | ||||
| Soort stelsel | Bolswerm | |||
| Sterrebeeld | Boogskutter | |||
| Waarnemingsdata (Epog J2000) | ||||
| Regte klimming | 18h 31m 23,1s | |||
| Deklinasie | -32º 20' 53,1" | |||
| Skynmagnitude | 8,31 | |||
| Besonderhede | ||||
| Afstand (ligjaar) | 29 700 | |||
| Skynbare grootte | 9 boogminute | |||
| Ander name | M69, NGC 6637, GCl 96 | |||
| ||||
M69 is sowat 29 700 ligjare van die Aarde af. Dit is na aan die bolvormige swerm M70 – net sowat 1 800 ligjare van hom af. Albei die swerms lê naby die Melkweg se middel. Dit is sover bekend een van die metaalrykste bolvormige sterreswerms.
Eksterne skakels
wysig- SEDS: Messier 69
- Galactic Globular Clusters Database
- Messier 69 op WikiSky: DSS2, SDSS, GALEX, IRAS, Hydrogen α, X-Ray, Astrophoto, Sky Map, Artikels en foto's
Wikimedia Commons het meer media in die kategorie Messier 69.
Hierdie artikel is vertaal uit die Engelse Wikipedia
