NG gemeente Bronkhorstspruit

Die NG gemeente Bronkhorstspruit is die moedergemeente van die Nederduitse Gereformeerde Kerk op die Gautengse dorp Bronkhorstspruit.

Ds. D.J. Kriel was van 1906 tot 1911 die gemeente Erasmus se eerste leraar.

Die gemeente is op 5 Oktober 1905 gestig. Die eerste leraar was ds. D.J. Kriel wat in 1906 bevestig is, maar die gemeente in 1911 verlaat vir Reddersburg in die Vrystaat waar hy ook die eerste leraar was. Reeds in 1912 is hy terugberoep en dien die gemeente vir die tweede maal, tot hy sy emeritaat vir die eerste maal in 1918 aanvaar het. Aan die begin was die gemeente net in besit van ’n sinkkerk, maar het reeds ná sowat 10 jaar begin geld insamel vir die bou van ’n behoorlike Godshuis.

Die gemeente is gestig met die naam Erasmus, maar in later jare het dit die naam van die dorp gekry. Reeds in 1920 het die gemeente Premiermyn op Cullinan afgestig en in 1976 die gemeente Nooitgedacht, ook op Bronkhorstspruit.

Bronne

• Maeder, ds. G.A. en Zinn, Christian. 1917. Ons Kerk Album. Kaapstad: Ons Kerk Album Maatschappij Bpkt.
• Olivier, ds. P.L., 1952. Ons gemeentelike feesalbum. Kaapstad en Pretoria: N.G. Kerk-uitgewers.