NG gemeente Ontdekkerskruin

Die NG gemeente Ontdekkerskruin was 'n gemeente van die Nederduitse Gereformeerde Kerk in die Sinode van Wes-Transvaal (nou Goudland) wat ontstaan het uit die samesmelting van die gemeente Ontdekkers en Ontdekkers-Noord.

Ds. Maarten Krüger was leraar van Ontdekkers van 1953 tot 1963.

Ná die samesmelting van Ontdekkers en Ontdekkers-Noord, het Ontdekkerskruin die kerkgebou van die ou gemeente Ontdekkers-Noord gebruik. Ook Veranderde Lewens gebruik dié kerk en die saal.

Ds. Petrus van Niekerk, leraar van Ontdekkers van 18 Mei 1968 tot minstens 1985.

Ná eenwording met Veranderde Lewens is die Ontdekkerskruin-kerk se banke uitgehaal en deur stoele vervang.

Kort geskiedenis

Die gemeente is gestig in 2004. Die kerkgebou was geleë by Philipslaan 19 (of 17), Discovery, Roodepoort. In 2013 was die pastorale hulp ds. H.J. Lombard. Daar was in daardie jaar 29 doop- en 379 belydende lidmate. 'n Jaar later was dit 18 en 326. Op 1 Oktober 2015 is Ontdekkerskruin ingelyf by die NG gemeente Veranderde Lewens. Indertyd het die Roodepoort Record as volg oor die eenwording berig: "Onlangs is ‘n eenwordingsooreenkoms tussen NG Veranderde Lewens en NG Ontdekkerskruin gemeentes bereik. Hierdie gesamentlike gemeente sal vanaf 1 September as NG Veranderde Lewens bekend staan. Die huidige Veranderde Lewens wat tans in Albertina Sisulu Straat 61A geleë is, het hulle kerkkompleks aan ‘n ander Christelike instansie verkoop en sal vanaf Sondag 18 Oktober eredienste vanuit die nuwe kerkkompleks te 17 Philipslaan, met hulle huidige leraars hervat. Hulle bediening te Hamberg sal egter nog onverpoos voortgaan tot in Oktober wanneer die verbeterings aan die nuwe kerk voltooi is. Hierdie gemeentes verbind hulle tot ’n gesamentlike doel, naamlik ‘n groeiende bediening met beide ‘n vernuwende en ’n behoudende styl. Voortaan sal die eredienstyd van 8vm Sondagoggende vir ’n vernuwende styl erediens gebruik word en die 10vm gleuf vir ’n behoudende styl erediens. Daar sal ook saans ‘n multikulturele diens gehou word. Die leraars van hierdie nuwe bediening is Ds. Pieter Nel Klopper, wat bygestaan sal word deur Dr. Berrie de Vos, ’n pastorale leraar en berader, asook Ds. Hennie Lombard wat hoofsaaklik die behoudende styl sal behartig."

Enkele leraars

Ontdekkers

• Dirk Johannes Viljoen, 1951 - 1953

Galery

• 
  Die kerksaal van die ou Ontdekkers-Noord en Ontdekkerskruin, nou Veranderde Lewe.
• 
  Die banke is verwyder nadat Ontdekkerskruin eengeword het met Veranderde Lewens en deur stoele vervang.
• 
  Ds. H.J. Brandt, Ontdekkers-Noord se leraar van 1964 tot 1969. Hy het die kerkgebou se hoeksteen gelê op 22 April 1967.
• 
  Die hoeksteen van die kerkgebou toe dit nog die tuiste van Ontdekkers-Noord was.
• 
  Die orrelgalery, afgeneem tydens die veranderings van 2016.
• 
  Die kerkgebou van die ou Ontdekkerskruin, nou Veranderde Lewens, van buite gesien.
• 
  Die liturgiese ruimte in Veranderde Lewens se nuwe kerkgebou, eers Ontdekkers-Noord en toe Ontdekkerskruin se kerk.

Bronne

• Small, Mario (samesteller). 2013. Jaarboek van die NG Kerke. Wellington: Tydskriftemaatskappy van die NG Kerk NPC - 'n divisie van Bybel-Media.

Eksterne skakels

• Die kerkgebou soos te sien op Googel Maps. URL besoek op 10 September 2015.