Rama III
Nangklao (Thai: พระบาทสมเด็จพระนั่งเกล้าเจ้าอยู่หัว, Phra Bat Somdet Phra Nangklao Chao Yu Hua; 31 Maart 1788 - 2 April 1851), geboortenaam Thap (Thai: ทับ), ook bekend as Rama III, was die derde koning van die Chakri-dinastie van Siam. Hy het van 21 Julie 1824 tot 2 April 1851 regeer.
| Nangklao พระบาทสมเด็จพระนั่งเกล้าเจ้าอยู่หัว | |
|---|---|
| Koning van Siam | |
 | |
| Ook bekend as | Rama III |
| Bewind | 21 Julie 1824 - 2 April 1851 |
| Kroning | 21 Julie 1824 |
| Voorganger | Rama II |
| Opvolger | Mongkut (Rama IV) |
| Kinders | 51, by verskillende byvroue |
| Huis | Chakri-dinastie |
| Vader | Rama II |
| Moeder | Sri Sulalai |
| Gebore | 31 Maart 1788, Thonburi-paleis, Siam |
| Oorlede | 2 April 1851 (op 63), Groot Paleis, Bangkok, Siam |
| Godsdiens | Boeddhisme |
Nangklao was die oudste oorlewende seun van sy voorganger, koning Rama II. Sy ma, Sri Sulalai, was een van die koning se sekondêre vroue. Nangklao is waarskynlik deur sy pa as sy erfgenaam aangewys en dit is dadelik deur 'n raad bekragtig. Buitelandse waarnemers het egter valslik geglo hy het die troon geroof van sy halfbroer prins Mongkut – dié was jonger, maar die seun van koningin Sri Suriyendra, en dus "wettig" volgens Westerse gebruike.[1] Onder die ou begrip van die Thaise monargie moes die koning egter "deur die volk verkies" word.[2]
Tydens Nangklao se bewind is die militêre heerskappy van Siam gevestig deur oorwinnings in die Laosiaanse Rebellie (1826-1828), die Siamees-Viëtnamese Oorlog van 1831-'34 en die Siamees-Viëtnamese Oorlog in Kambodja in 1841-'45.
Verwysings
wysig- ↑ J. B. Terwiel (2005). Thailand's Political History: From the Fall of Ayutthaya in 1767 to Recent Times. River Books. pp. 107–108.
- ↑ Dhani Nivat, Kromamun Bidyalabh Bluitiyakara (1947). "The Old Siamese conception of the Monarchy" (PDF). Journal of the Siam Society. Siamese Heritage Trust. JSS Vol.36.2b (digital): 94. Besoek op 7 Maart 2013.
Skakels
wysig
Wikimedia Commons het meer media in die kategorie Rama III.
Hierdie artikel is in sy geheel of gedeeltelik uit die Engelse Wikipedia vertaal.
