Natriumtiosulfaat

Natiumtiosulfaat is 'n sout van natrium wat die tiosulfaatioon S₂O₃²⁻ bevat. Dit is is 'n higroskopiese stof wat 'n pentahidraat Na₂S₂O₃·5H₂O vorm.

Eienskappe

Algemeen
Naam	Natriumtiosulfaat
Struktuurformule van
Chemiese formule	Na2S2O3
Molêre massa	158,11 [g/mol]
CAS-nommer	7772-98-7
Voorkoms	wit vastestof
Fasegedrag
Selkonstantes	595,22pm; 2161,8pm; 754,3pm; β= 103,804 °
Ruimtegroep	P21/c
Nommer	14
Smeltpunt	ontbind ~300 °C
Kookpunt
Digtheid	1,667 [g/cm3]
Oplosbaarheid	209 [g/L] @ 20 °C
Brekingsindeks	1,498 α, 1,508 (beta)), 1,536 γ
Suur-basis eienskappe
pKa
Veiligheid
Flitspunt
Tensy anders vermeld is alle data vir standaardtemperatuur en -druk toestande.
Portaal Chemie

Dit is 'n reduseermiddel.

Kristalstuktuur

Watervrye natriumtiosulfaat kristalliseer in 'n monokliniese struktuur. Die tiosulfaatioon het 'n amper tetraëdriese vorm met 'n sentrale swaelatoom. Daar is drie suurstofligande en een swaelligand.

Chemiese eienskappe

Natriumtiosulfaat kan verkry word deur 'n oplossing van natriumsulfiet met swaelpoeier te kook.

$2Na^{+}(aq)+SO_{3}^{2-}(aq)+S(s)\rightarrow 2Na^{+}(aq)+S_{2}O_{3}^{2-}(aq)$

Gebruike

Jodometrie

Natriumthiosulfaat is 'n belangrike reagens in 'n vorm van titrasie wat jodometrie genoem word.

Medies

Een metode om sianiedvergiftiging te behandel, behels die toediening van 'n kombinasie van natriumtiosulfaat en natriumnitriet. Daar word geglo dat natriumtiosulfaat sy teenmiddel-effek uitoefen deur as 'n swaelskenker te dien, en sodoende die tempo biotransformasie van sianied na tiosianaat verhoog wat deur rhodanese gekataliseer word.

$Na_{2}S_{2}O_{3}+CN^{-}\xrightarrow {rhodanese} SCN^{-}+Na_{2}SO_{3}$

Fotografie

Natriumtiosulfaat is een van die min bekende stowwe wat silwerbromied kan oplos. As sodanig word dit in fotografiese prosedures gebruik. In hierdie proses, bekend as "fiksasie", word die silwerbromied wat in die opname nie aan lig blootgestel is nie in 'n oplossing van natriumtiosulfaat opgelos deur dit te laat reageer tot oplosbare komplekse tiosulfate van silwer en natrium.