Ndjamena–Djibouti-Grootpad

Die Ndjamena-Djibouti-Grootpad is Trans-Afrika hoofweg 6 in die transkontinentale padnetwerk wat ontwikkel is deur Ekonomiese Kommissie van die Verenigde Nasies vir Afrika (UNECA), die Ontwikkelingsbank van Afrika, en die Afrika-unie, die koppeling van die Sahel-streek aan die Indiese Oseaanhawe van Djiboeti in die land van Djiboeti.

Die pad loop tussen Darfoer in die weste van Soedan en die stad van Al-Fashir, toneel van die konflik in Darfoer. Gevolglik is reis deur die gebied en die Soedan-Tsjad-grens onveilig en ontwikkeling van daardie area is tot 'n stilstand gedwing.

Die roete het 'n lengte van 4 219 km (2 622 myl) en deurkruis Tsjad, Sentraal-Soedan en noordelike Ethiopië. Minder as die helfte is geteer en 'n belangrike gedeelte is in 'n swak toestand. Bergagtige terrein in Ethiopië bied heelwat uitdagings aan padingenieurs.

Tussen Wad Madani in Soedan en Werota in Ethiopië volg die pad dieselfde roete as Trans-Afrika hoofweg 4, die Kaapstad-Kaïro-Grootpad.

Die hoofweg is 'n uitbreiding van die Dakar-Ndjamena hoofweg en sal 'n volledige oos-wes-kruising van die vasteland van 8 715 km (5 415 myl) vorm. Die beplande roete van die twee paaie volg 'n roete oorspronklik voorgestel deur die Franse Ryk van die laat 19de en vroeë 20ste eeu, en vroeëre Franse pogings om die transkontinentale kruising te beheer het tot die Fashoda-voorval gelei.

Hierdie artikel is in sy geheel of gedeeltelik vanuit die Engelse Wikipedia vertaal.