Wikipedia

Neil Turok

Neil Geoffrey Turok (gebore 16 November 1958) is 'n Suid-Afrikaanse fisikus. Hy was vanaf 2008 tot 2019 die direkteur van die Perimeter Instituut vir Teoretiese Fisika.[1] Hy spesialiseer in wiskundige fisika en vroeë-heelal fisika, insluitende die kosmologiese konstante en die sikliese model van die heelal.

Neil Turok
Turok in 2008
Gebore
Neil Geoffrey Turok

16 November 1958 (1958-11-16) (66 jaar oud)
Johannesburg, Suid-Afrika
Alma materChurchill College, Cambridge
Imperial College, Londen
Universiteit van Kalifornië, Santa Barbara
Fermi Nasionale Versneller-laboratorium
Bekend virHawking–Turok instanton oplossings
Afrika Instituut vir Wiskundige Wetenskappe

Vroeë lewe en loopbaan

wysig
 
Turok, omstreeks 1990

Turok is gebore op 16 November 1958[2] in Johannesburg, Suid-Afrika as die seun van Mary (Butcher) en die Letties-gebore Ben Turok, voormalige Suid-Afrikaanse politikus. Nadat hy gradueer aan Churchill College, Cambridge, behaal hy sy doktoraat aan Imperial College, Londen, onder leiding van David Olive, een van die ontdekkers van snaarteorie. Na 'n post-doktorale pos aan die Universiteit van Kalifornië, Santa Barbara, was hy assosiaat wetenskaplike aan Fermilab, Illinois. In 1992 ontvang hy die Maxwell-medalje van die Instituut vir Fisika vir sy bydrae tot teoretiese fisika. In 1994 is hy aangestel as Professor van Fisika aan Princeton-universiteit, waarna hy die leerstoel vir Wiskundige Fisika aan die Universiteit van Cambridge hou met ingang 1997. In 2008 word hy aangestel as direkteur van die Perimeter Instituut.[1]

wysig

Turok het in 'n aantal gebiede van wiskundige fisika en vroeë heelalfisika gewerk, met die fokus op waarnemingstoetse van fundamentele fisika in fisiese kosmologie. In die vroeë negentigerjare het sy groep getoon hoe die polarisasie en temperatuur anisotropie van die kosmiese agtergrondbestraling gekorreleer sou word, 'n voorspelling wat in detail bevestig is deur onlangse presisie-metings deur die WMAP ruimtetuig. Hulle het ook 'n sleuteltoets ontwikkel vir die teenwoordigheid van 'n kosmologiese konstante, wat ook onlangs bevestig is..[3]

Turok en sy medewerkers het die teorie van oop inflasie ontwikkel. Met Stephen Hawking het hy later die sogenaamde Hawking-Turok instanton-oplossings ontwikkel, wat, volgens die geen-grens voorstel van Hawking en James Hartle, die geboorte van 'n inflasionêre heelal kan beskryf.

Saam met Justin Khoury, Burt Ovrut en Paul Steinhardt, stel Turok die idee van die Ekpirotiese heelal bekend, "... 'n kosmologiese model waarin die warm oerknal heelal geproduseer word deur die botsing van 'n membraan in die uitgestrekte ruimte met 'n afgrensende orbivou vlak, voortspruitende uit 'n andersins koue, leë, statiese heelal".[4] Meer onlangs, saam met Paul Steinhardt by Princeton, ontwikkel Turok 'n sikliese model vir die heelal, waarin die oerknal verklaar word as 'n botsing tussen twee "membraan-wêrelde" in M-teorie. Die voorspellings van hierdie model stem ooreen met die huidige kosmologiese gegewens, maar daar is interessante verskille met die voorspellings van kosmologiese inflasie wat ondersoek sal word deur toekomstige eksperimente (waarskynlik deur die Planck ruimtewaarneming). In 2006 toon Steinhardt en Turok hoe die sikliese model natuurlikerwys 'n meganisme kan insluit om die kosmologiese konstante tot baie klein waardes te verslap, in ooreenstemming met die huidige waarnemings. In 2007 was Steinhardt en Turok mede-outeurs van die gewilde wetenskaplike boek getiteld Endless Universe..[5] In 2012 is Turok se Massey-lesings gepubliseer as The Universe Within: from Quantum to Cosmos.[6]

In 2003 stig Turok die Afrika Instituut vir Wiskundige Wetenskappe in Muizenberg. Die instituut funksioneer as 'n opvoedkundige sentrum wat die ontwikkeling van wiskunde en wetenskap regoor die kontinent van Afrika ondersteun.[7]

Toekennings en eerbewyse

wysig

In 2008 ontvang hy die TED-prys vir sy werk in wiskundige fisika en die stigting van die Afrika Instituut vir Wiskundige Wetenskappe in Muizenberg.[8] Hy het ook in 2008 die "Mees Vindingryke Mense-toekenning" ontvang vir Maatskaplike Innovasie tydens die Wêreldberaad op Innovasie en Entrepreneurskap (WSIE).[9]

Op 9 Mei 2008 het Mike Lazaridis aangekondig dat Turok die nuwe uitvoerende direkteur van die Perimeter Instituut vir Teoretiese Fisika sou word, met ingang 1 Oktober 2008.

In 2010 ontvang Turok 'n prys van die Wêreldberaad vir Innovasie vir Opvoeding in Katar[10] asook 'n prys van die Suid-Afrikaanse Wiskundige Vereniging.[11] In 2011 ontvang Turok 'n Eredoktoraat van die Universiteit van Ottawa.[12]

Op 3 November 2011 is Turok gekies om die Massey-lesings vir 2012 te lewer.[13] Dit het vyf aparte lesings behels wat gelewer is in verskeie liggings regoor Kanada in Oktober 2012. Dit is kort daarna uitgesaai op CBC se Ideas radioprogram.[14]

Turok ontvang in 2012 'n eredoktoraat van die Heriot-Watt-universiteit.[15]

In 2014 was Turok die ontvanger van die Lane Anderson-toekenning vir sy boek getiteld The Universe Within: From Quantum to Cosmos.

Turok het die eregrade van "Doktor van Wetenskap" honoris causa ontvang van UCLouvain (4 Februarie 2019), Saint Mary's Universiteit (Halifax) (16 Mei 2014),[16] die Nelson Mandela Metropolitaanse Universiteit (9 April 2014)[17] en Universiteit Stellenbosch (26 Maart 2015).[11]

In 2016 ontvang Turok die 2016 John Torrence Tate-toekenning tydens die 2016 SPS Vierjaarlikse Kongres in San Francisco, wat tot op datum die grootste samekoms van voorgraadse fisikastudente was.

Verwysings

wysig
  1. ↑ 1,0 1,1 "Perimeter Institute Executive Director Biography". 2009. Besoek op 2 April 2009.
  2. ↑ Turok, Ben (2003). Nothing But the Truth: Behind the ANC's Struggle Politics. Jonathan Ball Uitgewers. p. 42. ISBN 1868421767.
  3. ↑ "Dark Energy Almost 100 Percent Proven". 2012. Besoek op 2 November 2012.
  4. ↑ Khoury, J.; Ovrut, B.; Steinhardt, P. J. (2001). "The Ekpyrotic Universe: Colliding Branes and the Origin of the Hot Big Bang". Phys. Rev. D. 64 (12): 123522. arXiv:hep-th/0103239. Bibcode:2001PhRvD..64l3522K. doi:10.1103/PhysRevD.64.123522.
  5. ↑ Steinhardt, Paul J.; Turok, Neil (2008). Endless Universe: Beyond the Big Bang. Phoenix. ISBN 978-0-7538-2442-9. {{cite book}}: Ongeldige |ref=harv (hulp)
  6. ↑ "House of Anansi: The Universe Within". Geargiveer vanaf die oorspronklike op 29 Mei 2014. Besoek op 30 Mei 2012.
  7. ↑ Turok, Neil (2011). "Africa AIMS high". Nature. 474 (7353): 567–569. doi:10.1038/474567a. ISSN 0028-0836.
  8. ↑ "TED Blog: Announcing 2008 TED Prize Winners". 2007. Geargiveer vanaf die oorspronklike op 23 Desember 2009. Besoek op 21 November 2007.
  9. ↑ "World Summit on Innovation and Entrepreneurship". 2012. Geargiveer vanaf die oorspronklike op 14 Oktober 2012. Besoek op 2 November 2012.
  10. ↑ "Learning World: Dancing into the Future". www.wise-qatar.org (in Engels). Geargiveer vanaf die oorspronklike op 4 Januarie 2014. Besoek op 14 November 2017.
  11. ↑ 11,0 11,1 "SAMS Award for Profs Hahne and Turok". Geargiveer vanaf die oorspronklike op 29 Januarie 2011. Besoek op 26 Maart 2015.{{cite web}}: CS1 maint: bot: original URL status unknown (link)
  12. ↑ "190th University of Ottawa Convocation: Exceptional students and outstanding personalities honoured". 2011. Geargiveer vanaf die oorspronklike op 14 Julie 2011. Besoek op 9 Junie 2011.
  13. ↑ "The 2012 CBC Massey Lectures, "The Universe Within: From Quantum to Cosmos". 2012. Besoek op 2 November 2012.
  14. ↑ "You don't understand quantum theory? Neil Turok will help you". 2012. Besoek op 2 November 2012.
  15. ↑ "Higgs Boson Scientist Awarded Heriot-Watt honorary degree". Heriot-Watt University (in Engels (VK)). Geargiveer vanaf die oorspronklike op 11 April 2016. Besoek op 29 Maart 2016.
  16. ↑ "Five Exemplary Leaders to Receive Honorary Degrees from Saint Mary's University". smu.ca. 5 Mei 2014. Geargiveer vanaf die oorspronklike op 10 April 2016. Besoek op 22 Maart 2016.
  17. ↑ "Acclaimed physicist to receive honorary doctorate from NMMU". Geargiveer vanaf die oorspronklike op 9 September 2015. Besoek op 25 Oktober 2015.{{cite web}}: CS1 maint: bot: original URL status unknown (link)
Akademiese poste
Voorafgegaan deur
Howard Burton 		Direkteur van die Perimeter Instituut vir Teoretiese Fisika
2008-2019 		Opgevolg deur
Robert Myers

Eksterne skakels

wysig
Ontsluit van "https://af.wikipedia.org/w/index.php?title=Neil_Turok&oldid=2485771"