Nepal Airlines
Nepal Airlines Corporation (IATA: RA, ICAO: RNA) (Nepalees: नेपाल वायुसेवा निगम, Nepal Air Service Corporation), voorheen bekend as Royal Nepal Airlines (Nepalees: शाही नेपाल वायुसेवा), is die vlagdraer van Nepal. Dit is in 1958 gestig en is die oudste lugredery van die land. Vanuit sy hoofbasis by Tribhuvan Internasionale Lughawe, Katmandoe, bedryf die lugredery binnelandse dienste in Nepal en mediumafstanddienste in Asië. Die lugredery se eerste vliegtuig was 'n Douglas DC-3, wat gebruik is om binnelandse roetes en 'n paar bestemmings in Indië te bedien. Die lugredery het sy eerste straalvliegtuig, Boeing 727's, in 1972 bekom. Teen 13 Julie 2020 bedryf die lugredery 'n vloot van sewe vliegtuie. Sedert 2013 is die lugredery op die lys van lugrederye wat in die Europese Unie verbied is, weens veiligheidsredes.[3]
_@_HKG,_Oct_2018_(02).jpg) Nepal Airlines Airbus A330-200 | |||||||
| |||||||
| Gestig | 1 Julie 1958, as Royal Nepal Airlines | ||||||
|---|---|---|---|---|---|---|---|
| Hoofspille | Tribhuvan Internasionale Lughawe | ||||||
| Sekondêre spille |
| ||||||
| Vlootgrootte | 6 | ||||||
| Bestemmings | 36 | ||||||
| Houermaatskappy | Regering van Nepal | ||||||
| Hoofkantoor | Kantipath, Katmandoe, Bagmati Provinsie, Nepal | ||||||
| Sleutelpersone | Ubaraj Adhikari (voorsitter)[1] Dim Prasad Poudel (Besturende direkteur)[2] | ||||||
| Werknemers | 1 400 | ||||||
| Webwerf | Official website | ||||||
Die lugredery is in Julie 1958 gestig as Royal Nepal Airlines Corporation met een Douglas DC-3. Aan die begin was sy dienste beperk tot Simara, Pokhara en bestemmings na Indië soos Patna, Kolkata en Delhi. In 1961 het Pilatus PC-6 Porter STOL- vliegtuie by die vloot aangesluit, en in 1963 is 12-sitplek Chinese Feng Shou-2 Harvesters in gebruik geneem, wat die koninkryk se verder-afgeleë roetes geopen het.[4]
Nepal se geopolitieke situasie het 'n vreemde, polities gemengde vloot opgelewer, wat tipies deur hulpprogramme uit die land van vervaardiging gefinansier is. Nog sewe Douglas DC-3's is tussen 1959 en 1964 by die vloot gevoeg. Verder het China 'n paar Feng Shou-2- vliegtuie verskaf wat nie geskeduleerde diens bedryf het nie. Bell helikopters wat van Singapoer gehuur is, is ook vir huurvlugte gebruik. Twee Russiese Mi-4-helikopters het ook op geskeduleerde roetes na afgeleë plekke gevlieg. Die roetenetwerk is intern en ekstern uitgebrei en het gou Dhaka in die destydse Oos-Pakistan bereik.[5]
Galery wysig
-
Royal Nepal Airlines Boeing 727 by die Don Muang-lughawe in 1986 -
Nepal Airlines Airbus A320-200 -
Nepal Airlines Twin Otter -
Nepal Airlines Xian MA60 -
Nepal Airlines voormalige Harbin Y-12
.jpg)
.jpg)
Verwysings wysig
- ↑ "Sushil Ghimire appointed Nepal Airlines executive chairman". The Kathmandu Post. 16 April 2020. Besoek op 22 Oktober 2020.
- ↑ "With a new managing director, Nepal Airlines looks set to fly into turbulence". The Kathmandu Post. 10 Oktober 2020. Besoek op 22 Oktober 2020.
- ↑ "EU ban on airline companies from Nepal to continue". Onlinekhabar. Geargiveer vanaf die oorspronklike op 17 Februarie 2018. Besoek op 17 Februarie 2018.
- ↑ "Brief History of Nepal Airlines". Nepal Airlines. Besoek op 28 Augustus 2010.
- ↑ "History of Nepal Airline Corporation – FundingUniverse". Fundinguniverse.com. Besoek op 16 Februarie 2014.