Nieu-Swede

Nieu-Swede (Sweeds: Nya Sverige, Fins: Uusi Ruotsi, Latyns: Nova Svecia) is 'n voormalige Sweedse kolonie wat van 1638 tot 1655 in Noord-Amerika bestaan het. Die gebied is vandag deel van die Amerikaanse deelstate van Delaware, New Jersey en Pennsilvanië. Die kolonie se hoofstad was Fort Christina, die hedendaagse Wilmington.

Nya Sverige
Nieu-Swede

← 1638–1655 →
Vlag
Ligging of Nieu-Swede Kaart van Nieu-Swede uit ongeveer 1650, deur Amandus Johnson.
Hoofstad	Fort Christina 39°44′N 75°32′W
Taal/Tale	Sweeds, Fins
Regering	Monargie
Koning
- 1632–1654	Christina van Swede
- 1654–1660	Karel X Gustav van Swede
Goewerneur
- 1638	Peter Minuit
- 1638–1640	Måns Nilsson Kling
- 1640–1643	Peter Hollander Ridder
- 1643–1653	Johan Björnsson Printz
- 1653–1654	Johan Papegoja
- 1654–1655	Johan Risingh
Historiese tydperk	Nuwe Tyd
- Stigting	1638
- Perskeboom-oorlog	1655
- Nederlandse verowering	1655
Geldeenheid	Sweedse riksdaler

Nieu-Swede (Nya Sverige) omstreeks 1650

Die relatiewe ligging van Nieu-Nederland (Nieuw-Nederland) en Nieu-Swede (Nya Sverige) in die ooste van Noord-Amerika

Nieu-Swede is op 29 Maart 1638 deur Sweedse setlaars naby Delawarebaai gestig. Dit was Swede se eerste kolonie in die Amerikas en 'n strategies belangrike handelspos en nedersetting aan die benedeloop van die Delawarerivier. Dit is naas Swede en Finne ook deur Noord-Duitsers en Nederlanders bewoon.

Die kolonie is in 1655, ná 'n gewapende konflik, deur die Nederlander Peter Stuywesant geannekseer en by Nieu-Nederland ingelyf. Die Sweedse inwoners is toegelaat om hulle eie kultuur en taal uit te leef.

Goewerneurs

Die goewerneurs van die kolonie was:

• Peter Minuit, 1638.
• Måns Nilsson Kling, 1638–1640.
• Peter Hollander Ridder, 1640–1643.
• Johan Björnsson Printz, 1643–1653.
• Johan Papegoya, 1653–1654.
• Johan Rising, 1654–1655.

Sien ook

• Nieu-Engeland
• Nieu-Frankryk
• Nieu-Nederland
• Nieu-Spanje

Eksterne skakels

• Wikimedia Commons het meer media in die kategorie Nieu-Swede.