Nirvana (rock-groep)

Nirvana
Nirvana
	Kurt Cobain (op die voorgrond) en Krist Novoselic tydens die 1992 MTV Video Music Awards
Agtergrondinligting
Oorsprong	Aberdeen, Washington, Verenigde State
Genres	Grunge; alternatiewe rock;
Jare aktief	1987–1994
Etikette	Sub Pop; DGC Records;
Assosiasies	Foo Fighters; Sweet 75; Giants in the Trees;
Webwerf	nirvana.com
Gewese lede	Kurt Cobain; Krist Novoselic; Dave Grohl;

Nirvana was 'n Amerikaanse rockgroep wat in 1987 in Aberdeen, Washington gestig is. Dit is gestig deur die hoofsanger-liedjieskrywer en kitaarspeler Kurt Cobain en die baskitaarspeler Krist Novoselic. Die groep het 'n opeenvolging van tromspelers gehad, voordat hulle Dave Grohl in 1990 gewerf het. Nirvana se sukses het alternatiewe rock uiters gewild gemaak. Hulle is dikwels die hoof-musiekgroep van Generasie X genoem. Hulle musiek beskik steeds oor 'n groot hoeveelheid lojale ondersteuners en beïnvloed steeds die moderne rock and roll kultuur.

In die laat tagtigerjare het die groep hulself as deel van die grunge-toneel in Seattle gevestig en in 1989 hul eerste album getiteld Bleach by die onafhanklike platemaatskappy Sub Pop vrygestel. Hulle het 'n klank ontwikkel wat sterk gesteun het op dinamiese kontraste. Nirvana, wat in 1991 aangesluit het by die hoofstroom-platemaatskappy DGC Records, het onverwagte grootskaalse sukses behaal met snitte soos "Smells Like Teen Spirit", die eerste enkelsnit uit hul tweede album Nevermind (1991). Die album was 'n kulturele fenomeen in die negentigerjare en is later deur die RIAA gesertifiseer as Diamond.^[1]

Nirvana se musiek word gekenmerk deur die punk-estetiese vorm daarvan. Die groep se samesmelting van pop melodieë saam met noise (musiek), gekombineer met temas van verwerping en sosiale vervreemding, het hulle baie gewild gemaak. Hul album Nevermind word ook daarmee gekrediteer dat dit die oorheersing van hair metal beëindig het. Na uitgebreide toere en die 1992 kompilasie album Incesticide en die EP Hormoaning het Nirvana hul derde (en minder hoofstroom) studioalbum In Utero (1993) vrygestel. Die album was boaan die Amerikaanse en Britse speellyste en is deur kritici geprys. Nirvana het na Cobain se selfmoord in April 1994 ontbind. Novoselic, Grohl, en Cobain se weduwee Courtney Love, het aan die hoof gestaan van verskeie postuum vrystellings. Die postuum album MTV Unplugged in New York (1994) het die toekenning vir beste alternatiewe musiekuitvoering tydens die Grammy-toekennings in 1996 gewen.

Teen 2009 het Nirvana se wêreldwye albumverkope die 75 miljoen kerf verbygesteek, wat hulle een van die top verkopers van alle tye maak. Gedurende Nirvana se jare as hoofstroom-groep het die groep 'n American Music Award, Brit Award en Grammy Award gewen, asook sewe MTV Video Music Awards en twee NME Awards. Hulle het vyf nommer-een treffers op die Billboard tydskrif se Alternative Songs speellys en vier nommer een albums op die Billboard 200 gehad. Nirvana is in 2014 opgeneem in die Rock and Roll Hall of Fame.

Lede

Finale groep

Kurt Cobain – hoof stem en kitaarspeler (1987–1994; sy dood)
Krist Novoselic – bas (1987–1994)
Dave Grohl – tromme, ondersteunende stem (1990–1994)

Toer-musikante

Pat Smear – ritme-kitaar, ondersteunende stem (1993–1994)
John Duncan – ritme kitaar (1992–1993)
Lori Goldston – tjello (1993–1994)
Melora Creager – tjello (1994)

Voormalige lede

Aaron Burckhard – tromme (1987–1988, 1988)
Dale Crover – tromme (1988, 1990)
Dave Foster – tromme (1988)
Chad Channing – tromme (1988–1990)
Jason Everman – ritme kitaar (1989)

Sessie-musikante

Mark Pickerel – tromme (1989)
Dan Peters – tromme (1990)
Kirk Canning – tjello (1991)
Kera Schaley – tjello (1993)

Tydlyn

Diskografie

Die hoofartikel vir hierdie afdeling is: Nirvana diskografie.

Bleach (1989)
Nevermind (1991)
In Utero (1993)

Verwysings

Azerrad, Michael. Come as You Are: The Story of Nirvana. Doubleday, 1994. ISBN 0-385-47199-8
Cross, Charles R. Heavier Than Heaven: A Biography of Kurt Cobain. Hyperion, 2001. ISBN 0-7868-8402-9
DeRogatis, Jim. Milk It!: Collected Musings on the Alternative Music Explosion of the 90's. Da Capo, 2003. ISBN 0-306-81271-1
Gaar, Gillian G. In Utero. Continuum, 2006. ISBN 0-8264-1776-0
Rocco, John (redakteur). The Nirvana Companion: Two Decades of Commentary. Schirmer, 1998. ISBN 0-02-864930-3

Notas

↑ Hall, James (24 September 2016). "Nevermind at 25: how Nirvana's 1991 album changed the cultural landscape". The Telegraph (in Engels (VK)). ISSN 0307-1235. Besoek op 2 Desember 2019.

Eksterne skakels

Live Nirvana – Guides to Nirvana studio sessions output and Nirvana live concerts
Nirvana Live Guide – Guide to Nirvana's live performances and recordings
Nirvana (rock-groep) in die Internet-rolprentdatabasis

[1] Hall, James (24 September 2016). "Nevermind at 25: how Nirvana's 1991 album changed the cultural landscape". The Telegraph (in Engels (VK)). ISSN 0307-1235. Besoek op 2 Desember 2019.

[1]