Noer-Soeltan
Нурсултан
Central Downtown Astana 2.jpg

Kaart Wapen
Kazakhstan-Astana.png
Emblem of Nur-Sultan.svg
Vlag
Flag of Astana, Kazakhstan (2008–2019).svg
 Land Vlag van Kasakstan Kasakstan
 Koördinate 51°10′N 71°26′O / 51.167°N 71.433°O / 51.167; 71.433
 Stigting 1830
 Oppervlakte:  
 - Totaal 810,2 vk km
 Hoogte bo seevlak 347 m
 Bevolking:  
 - Totaal (2017) 1 029 556
 - Bevolkingsdigtheid 1 300/vk km
 Tydsone UTC +6 (ALMT)
 Burgemeester Bakhyt Soeltanof
 Amptelike webwerf astana.gov.kz

Noer-Soeltan (Kasaks: Нұр-Сұлтан, Nur-Sultan, Russies: Нур-Султан), tot 2019 onderskeidelik bekend as Astana, Akmola, Tselinograd of Akmolinsk, is sedert 1997 die hoofstad en tweede grootste stad van Kasakstan naas Almati met 'n oppervlakte van 710,2 km² en 'n bevolking van meer as een miljoen in 2017. Die stad is langs die Isjimrivier, in Kasakstan Esil genoem, geleë.

Nasa-Satellietbeeld van Noer-Soeltan in 2017

Voor 1997 was Noer-Soeltan 'n onbeduidende stad in die sentrum van Kasakstan met sy tipiese steppeklimaat. Nadat dit deur president Noersoeltan Nazarbajef tot die nuwe hoofstad van die land en 'n simbool van nasionale eenheid verklaar is, is internasionaal bekende argitekte soos Norman Foster uitgenooi om nuwe geboue te ontwerp. Na die aftrede van president Noersoeltan Nazarbajef op 20 Maart 2019 is Astana na Noer-Soeltan herdoop.[1]

GeskiedenisWysig

Die stad is in 1824 deur Siberiese Kosakke gestig as 'n vesting aan die bopunt van die Ishimrivier. Die stad het die naam Akmolinsk. In 1961 word die stad herdoop tot Tselinograd en tot die hoofstad van die Sowjet-gebied van die "Maagdeland" (in Russies: "tselina") verklaar. Dit is gedoen in die konteks van 'n veldtog van Nikita Chroesjtsjof om steppe grond op groot skaal in landbougrond te bewerk.

Nadat Kazakstan onafhanklik geword het, is die stad en die omliggende gebied herdoop tot Aqmola ("Wit grafsteen", 1991). In 1994 is die stad aangewys as die toekomstige hoofstad van die nuwe onafhanklike land. Die stad het sy nuwe naam Astana gekry nadat dit in 1997 die hoofstad geword het in plaas van Almaty. Verskeie redes word gegee vir die verskuiwing van die hoofstad na 'n stad in die middel van die Kazak-steppe. Sommige mense meen dat die doel was om 'n beter beheer oor die noordelike deel van die land, wat hoofsaaklik deur Russe bewoon is, te bekom ten einde moontlike pogings tot afskeiding te voorkom. Ander beweer dat dit 'n strategiese doel is: om die hoofstad te skuif na 'n plek verder weg van die grens met die mees bevolkte land ter wêreld; Alma-Ata is in werklikheid slegs 250 km van die grens met die Volksrepubliek van China af. Die besluit om die hoofstad te hervestig, kan ook 'n simboliese betekenis hê, aangesien die stigter van die nasie (president Nazarbajef) in die voetspore van Atatürk wou volg, wat die hoofstad van Turkye na Ankara verskuif het.

Sedert die verhuising het groot bouprojekte in die nuwe hoofstad begin, omdat daar 'n olie-inkomste was. Geboue vir die ministeries, 'n groot presidensiële paleis, baie parke en monumente is vinnig opgerig. President Nazarbajef wou die stad nie net die sentrum van Kazakstan maak nie, maar ook die sentrum van Sentraal-Asië as geheel. Die oorheersende styl van die nuwe geboue is 'n etno-postmodernisme na die voorbeeld van Albert Speer. Internasionale bekende argitekte soos Norman Foster en Kisho Kurokawa is ook opdrag gegee vir groot projekte.

Op 22 Maart 2019 is die stad herdoop na Noer-Sultan, ter ere van president Noersoeltan Nazarbajef wat op dieselfde dag bedank het. Die nuwe president Kassym-Jomart Tokayev het die plan op 21 Maart bedink, 'n dag later is dit deur die parlement goedgekeur. Sedertdien word die stad Noer-Sultan genoem. In die eerste paar dae was daar 'n hele paar betogings, sommige inwoners het gedink die naam van die stad is 'n verheerliking vir die oudpresident. Die stad het op dardie staduim albyna 21 jaar Astana geheet.

 
Panorama van die moderne regeringsdistrik en sakesentrum van Noer-Soeltan met die wyer Isjim op die voorgrond

VerwysingsWysig

  1. "Nursultan: Kazakhstan renames capital Astana after ex-president". BBC (in Engels). 20 Maart 2019. Geargiveer vanaf die oorspronklike op 25 Desember 2019. Besoek op 3 April 2019.

Eksterne skakelsWysig