Homo habilis
Homo habilis (ook Australopithecus habilis) is ’n spesie van die tribus Hominini, wat sowat 2,33 tot 1,44 miljoen jaar gelede geleef het tydens die Pleistoseen-periode.[1] Hoewel daar omstredenheid is omdat die spesie in die genus Homo geplaas is eerder as in Australopithecus,[2][3] word die breingrootte op 550 cm3 tot 687 cm3 geraam, eerder as op 363 cm3 tot 600 cm3 soos voorheen vermoed[3][4] – dus word dit meestal as ’n Homo-spesie beskou.
| Homo habilis | |
|---|---|
| |
| Wetenskaplike klassifikasie | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | |
| Spesie: | H. habilis
|
| Binomiale naam | |
| †Homo habilis (Louis Leakey et al., 1964)
| |
Van alle spesies in die genus Homo lyk H. habilis die minste soos moderne mense (behalwe die ewe omstrede Homo rudolfensis), en sy klassifikasie as Homo is sedert die 1960's die onderwerp van debat. H. habilis was kort en het relatief lang arms gehad in vergelyking met die mens; tog het die gesig minder vooruit gestrek as dié van Australopithecus, waarvan dit vermoedelik afstam. Die breinkapasiteit is effens minder as die helfte van Homo sapiens. Ondanks die aapagtige vorm van die liggaam word H. habilis-oorblyfsels dikwels aangetref saam met primitiewe steengereedskap, soos in Tanzanië en Kenia.
Daar word dikwels gemeen Homo habilis is ’n voorouer van die meer gesofistikeerde Homo ergaster, waaruit die meer mensagtige Homo erectus weer ontstaan het. ’n Debat duur voort of al hierdie fossiele tot die spesie H. habilis behoort.[5] Vondste in 2007 bevestig vermoedelik die mening dat H. habilis en H. erectus saam bestaan het en verskillende lyne van ’n gesamentlike voorouer verteenwoordig, eerder as dat H. erectus afstam van H. habilis.[6] Dit kan ook wees dat ’n geïsoleerde subgroep van H. habilis die voorouer van H. erectus kon geword het terwyl ander subgroepe onveranderd gebly het tot met hul uitsterwing.[7]
Vondste
wysig- KNM ER 1813
’n Relatief volledige kopbeen (1,9 miljoen jaar oud), in 1973 in Kenia ontdek.
- OH 7
’n Onderkaak (1,75 miljoen jaar oud), in 1960 in Tanzanië ontdek.
- OH 24
’n Kopbeen, ook bekend as "Twiggy" (1,8 miljoen jaar oud), in 1968 in Tanzanië ontdek.
- KNM ER 1805
Drie stukke van ’n kopbeen (1,74 miljoen jaar oud), in Kenia ontdek.
Verwysings
wysig- ↑ New York Times, 9 Augustus 2007
- ↑ Wood and Richmond; Richmond, BG (2000). "Human evolution: taxonomy and paleobiology". Journal of Anatomy. 197 (Pt 1): 19–60. doi:10.1046/j.1469-7580.2000.19710019.x. PMC 1468107. PMID 10999270.
- ↑ 3,0 3,1 Australian Museum: http://australianmuseum.net.au/Homo-habilis.
- ↑ Brown, Graham; Fairfax, Stephanie; Sarao, Nidhi. Tree of Life Web Project: Human Evolution. Link: http://tolweb.org/treehouses/?treehouse_id=3710 Geargiveer 6 Junie 2020 op Wayback Machine.
- ↑ Tattersall, I. & Schwartz, J.H., Extinct Humans, Westview Press, New York, 2001, p. 111.
- ↑ F. Spoor, M. G. Leakey, P. N. Gathogo, F. H. Brown, S. C. Antón, I. McDougall, C. Kiarie, F. K. Manthi & L. N. Leakey (9 Augustus 2007). "Implications of new early Homo fossils from Ileret, east of Lake Turkana, Kenya". Nature. 448 (7154): 688–691. doi:10.1038/nature05986. PMID 17687323.
{{cite journal}}: AS1-onderhoud: meer as een naam (link) - ↑ F. Spoor, M. G. Leakey, P. N. Gathogo, F. H. Brown, S. C. Antón, I. McDougall, C. Kiarie, F. K. Manthi & L. N. Leakey (9 Augustus 2007). "Implications of new early Homo fossils from Ileret, east of Lake Turkana, Kenya". Nature. 448 (7154): 688–691. doi:10.1038/nature05986. PMID 17687323.
{{cite journal}}: AS1-onderhoud: meer as een naam (link)
Eksterne skakels
wysig- "Archaeology Info"
- "MNSU"[dooie skakel]
- "BBC:Food for thought"
Wikimedia Commons het meer media in die kategorie Homo habilis.
Wikispecies het meer inligting verwant aan Homo habilis
