Ofir

Ofir is ‘n legendariese streek of hawe wat in die Bybel, letterkunde en historiese geskrifte vermeld word en bekend is weens sy geweldige rykdomme.

Volgens die Ou Testament bring koning Salomo se skepe elke derde jaar ‘n vrag goud, silwer, ivoor, sandelhout, poue en ape uit Ofir na Jerusalem.

Oor die ligging van die plek (indien dit werklik bestaan het) is historici dit nie eens nie. Die suidelike deel van Arabiese skiereiland en die ooskus van Afrika is glo die sterkste moontlikhede. Maar Indië en Amerika word ook genoem. Die Portugese het tevergeefs verskeie ekspedisies na die binneland van Afrika gestuur om na Ofir te soek. ‘n Soektog in 1659 onder Francisco Barreto en 1 000 man het meer as 300 km langs die Zambezi na die stad gesoek. Dit het ook misluk en slegs 180 man het Mosambiek weer bereik. Daarna het die Portugese hul belangstelling in die binneland van Afrika verloor.

Daar word ook beweer dat Zimbabwe dalk die land Ofir is. Veral omdat Arabië glo nooit goud opgelewer het nie. Alexander Merensky het na Ofir gaan soek, maar nie verder as die Limpopo gevorder nie. Met Merensky se hulp het Karl Mauch in 1871 die Zimbabwe-ruïnes ontdek en hy het dit beskou as die oorblyfsels van Ofir.

Soortgelyke plekke

• agtertang
• Arcadia
• Atlantis
• boendoe
• bryberg
• Eldorado
• Eden
• ghopse
• gramadoelas
• Kammaland
• Land van Kokanje
• Land van melk en heuning
• Luilekkerland
• Monomotapa
• Paradys
• Shangri
• Ultima Thule
• Utopie
• Vigiti Magna

Bronne

• Lipiński, Edward (2004), Itineraria Phoenicia Studia Phoenicia 18, Peeters Publishers, ISBN 978-90-429-1344-8, https://books.google.com/books?id=SLSzNfdcqfoC&pg=PA200 
• Mahdi, Waruno (1999), "The Dispersal of Austronesian boat forms in the Indian Ocean", in Roger Blench; Matthew Spriggs, Archaeology and Language III; Artefacts, languages and texts, Routledge, ISBN 0-415-10054-2, https://books.google.co.uk/books?id=h8jfBQAAQBAJ&pg=PA144 
• Schroff, Wifred H. (1912), The Periplus of the Erythræan Sea: Travel and Trade in the Indian Ocean, New York: Longmans, Green, and Company, https://archive.org/stream/cu31924030139236 
• (fr) Quatremère (1861), Mémoire sur le pays d’Ophir, in Mélanges d'histoire, Ducrocq, Paris, p. 234 (read @ Archive).

Eksterne skakels

• Onshore explorations at Sopara and Kalyan, India
• Chisholm, Hugh, ed. (1911). "Ophir". Encyclopædia Britannica (11th ed.). Cambridge University Press.