Oppermansgronde

Die Oppermansgronde is ‘n landbounedersetting in die suidweste van die Vrystaat.

Oppermansgronde
Oppermansgronde  Oppermansgronde se ligging in Vrystaat
Koördinate: 29°24′50″S 24°44′40″O
Land	Suid-Afrika
Provinsie	Vrystaat
Distrik	Xhariep
Munisipaliteit	Letsemeng
Oppervlak
• Totaal	0,94 km2 (0,36 vk. myl)
Bevolking  (2011)
• Totaal	871
• Digtheid	927/km2 (2 400/vk. myl)
Rasverdeling (2011)
• Bruin mense	92.9%
• Swart mense	6.9%
Taal (2011)
• Afrikaans	96.9%
• Engels	1.6%
• Ander	1.4%
Skakelkode	053

Ligging

Die gebied lê suid van Jacobsdal en tussen Koffiefontein en die oosgrens van die Noord-Kaap. Dit vorm deel van die Letsemeng Plaaslike Munisipaliteit in die Xhariep-distriksmunisipaliteit.

Boerdery

Die gebied is 340km² (34 000ha) groot en het oorspronklik bestaan uit ses aanligggende plase. Daar was later 42 eienaars wat op kleinhoewes met skape, bokke en donkies geboer het. Hierdie soort boerdery was nie volhoubaar nie en die jongmense het na die stede uitgewyk. Tans word daar op ‘n groot skaal kommersieel koring, mielies en sonneblomme aangeplant. Besproeiing vind plaas uit ‘n kanaal van die Oranje-Rietkanaal.

Geskiedenis

Oorlewering wil dit hê dat die gebied in ongeveer 1825 beset is deur ‘n weggeloopte slaaf, ene Opperman. Frederik Opperman en sy seun Adam word as die stigters beskou en na hul afstammelinge word verwys as die “bruin Voortrekkers”. Die Groepsgebiedewet het die area gereserveer vir die uitsluitlike gebruik van die bruin bevolkingsgroep.

Lees ook

• Lys van streeksname in Suid-Afrika

Bibliografie

• Erasmus, Piet: New identities and old perceptions – Opperman’s grounds land restitution. journals.ufs.ac.za