Opregte suikerbos

Die opregte suikerbos (Protea repens) is endemies aan Suid-Afrika en kom in die Wes-Kaap en Oos-Kaap voor waar dit deel van die fynbos-bioom is. Op die SANBI-rooilys is dit as 'veilig'(LC) gelys. Die spesie groei regop en word 4.5 m in hoog. Die plant blom regdeur die jaar en die plante van die Wes-Kaap se hoogtepunt is van Mei tot Oktober en dié van die Oos-Kaap se hoogtepunt is September tot Maart.

Opregte suikerbos
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Plantae
Klade:	Tracheofiete
Klade:	Angiospermae
Klade:	Eudicots
Orde:	Proteales
Familie:	Proteaceae
Genus:	Protea
Spesie:	P. repens
Binomiale naam
Protea repens (L.) L., (1771)
Sinonieme
Erodendrum mellifluum Knight Leucadendron melliferum W.Wight Leucadendron repens L. Protea canaliculata Meisn. Protea mellifera Thunb. Protea repens var. major Meisn. Protea repens var. minor Meisn. Protea strobus Meisn. Scolymocephalus mellifer (Thunb.) Kuntze Scolymocephalus repens (L.) Kuntze

Dit groei in die winterreënvalstreke as 'n struik of 'n klein boompie. Dit kom voor vanaf seevlak tot so hoog as 2 000 m. Die boom word ongelukkig dikwels uitgeroei wanneer bewerkbare grond op laagliggende berghellings voorberei word vir boerderydoeleindes. Die plant oor leef nie 'n brand nie maar die sade wel, dit is egter ook die eerste plant wat sal groei in die veld wat deur vuur verwoes is.

Die blomme is so ryk aan nektar dat dit as 'n wolkie uitgeskud kan word. Die nektar kan gekook word tot suikerbosstroop, 'n soet en strelende hoesmiddel. As dit lank genoeg gekook word, word dit suiker.

Die boom se FSA-nommer is 94.2.

Galery

• 
  Bos
• 
  Blom
• 
  Blomme besig om oop te maak
• 
• 
• 

Sien ook

• Alfabetiese lys van Suid-Afrikaanse bome
• Lys van proteaspesies

Bronnelys

• Algemene gids tot BOME. Keith, Paul & Meg Coates Palgrave. 2000. ISBN 1-86872-527-8
• Protea Atlas
• REDLIST Sanbi
• Plants of the World Online