Orkney Snork Nie (Die Moewie)
Orkney Snork Nie (Die Moewie) is 'n Afrikaanse rolprent wat in 1992 na afloop van die gelyknamige TV-reeks, Orkney Snork Nie vrygestel is. Die rolprent se ondertitel is: Dis lekker by die see. Frank Opperman is nie in die rolprent te sien nie - die rol van Opperman se karakter, Neels (Ouboet) van Tonder, word deur Marcel van Heerden vertolk. Opperman keer egter terug na die rol van Ouboet in die tweede film, Orkney Snork Nie 2.
| Orkney Snork Nie (Die Moewie) | |
|---|---|
| Regisseur | Willie Esterhuizen |
| Met | Zack du Plessis Annette Engelbrecht Marcel van Heerden Sally Campher |
| Uitgereik | 1992 |
| Land | Suid-Afrika |
| Taal | Afrikaans |
| Voorafgegaan deur | Orkney Snork Nie (TV-reeks) |
| Opgevolg deur | Orkney Snork Nie 2 |
| IMDb-profiel | |
Genre
wysigDie rolprent is 'n lekkerlag komedie. Dit het geen ouderdomsperk nie, maar ouerleiding word aanbeveel vir kru taal hier en daar.
Hoofrolspelers
wysig- Zack du Plessis as Hendrik van Tonder
- Annette Engelbrecht as Maggie van Tonder
- Marcel van Heerden as Neels (Ouboet) van Tonder
- Sally Campher as Yolanda (bynaam: Yollie), Ouboet se vrou
Storielyn
wysigIn die rolprent gaan die Vantonder-familie op vakansie na Margate. Hendrik wil visvang, die kinders wil speel en swem, Yollie en Maggie wil tan en Ouboet het 'n selfgeboude opgewarmde snelboot (Spuitpoep II) wat hy in die see wil uittoets. Hulle droomvakansie word egter deur 'n Johannesburgse sakesindikaat gesaboteer, wat die karavaanpark waar hulle vakansie hou wil koop, platslaan en 'n winkelsentrum oprig. Maar dan kry hulle te doen met die Vantonders wat nie met hulle laat mors nie.
