Ou Merensky-biblioteek
Die Ou Merensky-biblioteek op die Hatfieldkampus van die Universiteit van Pretoria huisves deesdae die Edoardo Villa-museum.
Geskiedenis wysig
In 1933 het die Universiteit van Pretoria besluit om 'n nuwe gebou op te rig om 'n biblioteek te huisves. Met 'n bydrae van £10 000 van dr. Hans Merensky, myngeoloog, het die konstruksie van die gebou, wat deur Gerard Moerdijk ontwerp is, in 1937 begin. Generaal Jan Smuts het die hoeksteen op 11 Oktober 1937 gelê en op 15 April 1938, vir die eeufeesherdenking van die Groot Trek, is die gebou amptelik geopen.[1]
Kulturele erfenis wysig
Die Ou Merensky-biblioteek is op 31 Augustus 1990 deur Theodorus Gerhardus Alant, adjunkminister van nasionale onderwys, as 'n nasionale monument verklaar en word beskerm as 'n provinsiale erfenisterrein ingevolge die Wet op Nasionale Erfenishulpbronne (25/1999).[2]
Verwysings wysig
- ↑ Merensky Library – artefacts.co.za, besoek op 18 Mei 2012
- ↑ Suid-Afrikaanse Erfenishulpbronagentskap – Item: 29965, besoek op 18 Mei 2012
Eksterne skakels wysig
Wikimedia Commons het meer media in die kategorie Ou Merensky-biblioteek.- Edoardo Villa-museum – Universiteit van Pretoria Geargiveer 30 September 2012 op Wayback Machine
