Oud-Permiese alfabet

Die Oud-Permiese alfabet, ook Aboer of Anboer genoem, is ’n "hoogs idiosinkratiese aanpassing" van die Cyrilliese alfabet wat gebruik is vir die skryf van Middeleeuse Komi (Permies).

Oud-Permiese alfabet
Soort skryfstelsel	Alfabet
Tyd gebruik	1372-1600's
Rigting	Links na regs
Tale	Komi
Stelsels
Moederstelsels	Egiptiese hiërogliewe Proto-Sinaïties[a] Fenisies Grieks Cyrillies Oud-Permiese alfabet
ISO 15924	Perm, 227
Unicode	U+10350–U+1037F Finaal aanvaarde voorstel
Nota
Hierdie bladsy kan fonetiese IFA-simbole of letters uit ander alfabette bevat
Portaal    Skryfstelsels

Geskiedenis

Die alfabet is in 1372 ontwerp deur ’n Russiese sendeling, Stepan Chrap, ook bekend as sint Stefanus van Perm. Die naam "Aboer" of "Anboer" is afgelei van die eerste twee letters van die alfabet, An en Boer. Die alfabet is ’n aanpassing van die Cyrilliese en Griekse alfabet en stamtekens van die Komi-volk wat baie soos runes gelyk het omdat hulle uitgekerf eerder as geskryf is.

Die alfabet is tot in die 17de eeu gebruik, toe dit deur die Cyrilliese alfabet vervang is. 26 April, die dag van sint Stefanus van Perm, word gevier as Dag van die Oud-Permiese Alfabet.

Betekenis

Die Aboer-inskripsies is van die oudstes in die Oeraalse tale. Die enigste ouer inskripsies is Hongaarse dokumente, eers in die Oud-Hongaarse skrif en later in die Latynse alfabet.

Sien ook

Geskiedenis van die alfabet

Eksterne skakels

• Aboer (ru)
• Aboer by Omniglot
• Hierdie artikel is vertaal uit die Engelse Wikipedia