Overbergsepter
Die Overbergsepter (Paranomus bolusii) is 'n blomdraende struik wat tot die genus Paranomus behoort en deel van die fynbos vorm. Die spesie is endemies aan die Wes-Kaap waar dit voorkom op die Groenlandberg, Riviersonderendberge, Babilonstoringberge en Kleinrivierberge, Caledon en die Swartberg.
| Overbergsepter | |
|---|---|
| |
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Orde: | Proteales |
| Familie: | Proteaceae |
| Genus: | Paranomus |
| Spesie: | P. bolusii
|
| Binomiale naam | |
| Paranomus bolusii (Gand.) Levyns, (1970)
| |
| Sinonieme | |
| |
Die struik word tot 1.0 m hoog en blom hoofsaaklik van Junie tot November. 'n Brand vernietig die plant maar die sade oorleef. Die plant is tweeslagtig en bestuiwing vind deur die werking van insekte plaas. Die vrugte word twee maande nadat die plant geblom het ryp en die sade val na die grond waar dit deur miere versprei word. Die plant groei in sandsteen en Sederbergskalie op hoogtes van 150 - 700 m.
In Engels staan die struik as die Overberg sceptre bekend.
