Pacaltsdorp
Pacaltsdorp is 'n voorstad van George, Wes Kaap. In die Apartheidsera is dit die bruinwoonbuurt wat met George geassosieer, maar onafhanklik geadministreer is. Die N2 nasionale pad gaan daardeur. Die dorpie het ontstaan uit 'n sendingstasie wat hier begin is in 1813 deur eerwaarde Carl August Pacalt van Duitse oorsprong. Die dorp is na hom vernoem uit erkenning van sy werk in die gemeenskap.
Pacaltsdorp | |
|---|---|
 Kerk op Pacaltsdorp | |
  Pacaltsdorp Pacaltsdorp se ligging in Wes-Kaap | |
| Koördinate: 34°1′S 22°27′O / 34.017°S 22.450°O | |
| Land |  Suid-Afrika |
| Provinsie | Wes-Kaap |
| Distrik | Tuinroete |
| Munisipaliteit | George |
| Oppervlak | |
| • Totaal | 10,19 km2 (3,93 vk. myl) |
| Bevolking (2011)[1] | |
| • Totaal | 16 400 |
| • Digtheid | 1 609/km2 (4 170/vk. myl) |
| Rasverdeling (2011) | |
| • Wit mense | 0.7% |
| • Indiërs/Asiërs | 0.6% |
| • Swart mense | 4.7% |
| • Ander | 0.7% |
| Taal (2011) | |
| • Afrikaans | 92.2% |
| • Engels | 4.4% |
| • Xhosa | 1.7% |
| • Ander | 1.7% |
| Skakelkode | 044 |
Wapens
wysigMunisipaliteit (1) — Die dorpsraad se eerste wapen was : In vier gedeeld, die snylyn golwend, I in goud 'n rooi toring; II in groen 'n aronskelk van natuurlike kleur; III in groen twee akkers op 'n enkele tak van natuurlike kleur; IV in goud 'n suikerbekkie sittend op 'n tak van natuurlike kleur; die skild oortop met 'n rooi muurkroon. Aan weerskante van die skild was twee groen blare. Die wapenspreuk was "Vigilate". Raadslid Andy Lamont het die wapen ontwerp.
Munisipaliteit (2) — 'n Nuwe wapen is in 1990 by die Buro vir Heraldiek geregistreer : Gewelfd deursnede, groen en silwer, in die skildhoof drie akkers aan 'n enkele geblaarde stingel, alles goud, in die skildvoet 'n kortbeksuikerbekkie van natuurlike kleur, sittend op 'n rooi tak. Die helmteken was 'n groen muurkroon. Die wapenspreuk het "Vigilate" gebly.[2]