Padel (sport)

Padel of padeltennis ([ˈpa:.dəl]; uit Engels padel (tennis), uit Spaans pádel is 'n raket- en balsport, soortgelyk aan tennis. Dit moet nie met POP/paddle tennis, wat veral in die Verenigde State van Amerika en Kanada gewild is, verwar word nie, asook nie met pickelball nie.

'n Voorstelling van 'n padelrakket

Geskiedenis

Padel is 'n spel wat gewoonlik deur twee spanne met twee spelers elk gespeel word. Die baan is ietwat kleiner as 'n tennisbaan, maar die grootste verskil is dat dit ook agter- en symure bevat wat gebruik kan word tydens die spel, amper soos muurbal. Die bal is ook soortgelyk aan 'n tennisbal, maar bevat ietwat minder drukking. Die raket is snaarloos en min of meer die grote van 'n strandraket.

Die sport het in 1969 in Acapulco, Mexiko ontstaan; die uitvinder was Enrique Corcuera. Dit was vir lank baie gewild in Suid-Amerika en Spanje, maar is een van die snels groeiende sportsoorte in die wêreld, ook in Suid-Afrika.