Lemoenvlinder

Lemoenvlinder
	Bo- en ondersy
Wetenskaplike klassifikasie
Koninkryk:	Animalia
Filum:	Arthropoda
Klas:	Insecta
Orde:	Lepidoptera
Familie:	Papilionidae
Genus:	Papilio
Spesie:	P. demodocus
Binomiale naam
	Papilio demodocus; Esper, 1798
Sinonieme
	Papilio demodocus var. nubila Capronnier, 1881; Papilio demodocus decusdemo Suffert, 1904; Papilio demodocus albicans Suffert, 1904; Papilio demodocus ab. karema Strand, 1911; Papilio demodocus ab. cariei Le Cerf, 1913; Papilio demodocus ab. tessmanni Schultze, 1914; Papilio demodocus ab. conflua Strand, 1914; Papilio demodocus f. epunctatus Le Cerf, 1927; Papilio demodocus demodocus ab. minor Dufrane, 1936; Papilio demodocus demodocus ab. juncta Dufrane, 1936; Papilio demodocus demodocus ab. semijuncta Dufrane, 1936; Papilio demodocus demodocus ab. mathieui Dufrane, 1936; Papilio demodocus demodocus ab. houzeaui Dufrane, 1936; Papilio demodocus f. longsdoni Krüger, 1937; Papilio demodocus f. oblongula Berio, 1941; Papilio demodocus f. viginta Berio, 1941; Papilio demodocus f. adla Berio, 1941; Papilio demodocus demodocus ab. vreuricki Dufrane, 1946; Papilio demodocus demodocus ab. duboisi Dufrane, 1946; Papilio demodocus demodocus ab. aurantiaca Dufrane, 1946; Papilio demodocus demodocus ab. ochrea Dufrane, 1946; Papilio demodocus ab. dufranei Berger, 1950; Papilio demodocus ab. overlaeti Berger, 1950; Papilio demodocus f. confluens Storace, 1963; Papilio demodocus f. bennettoides Storace, 1963; Papilio demodocus f. atromaculatus Storace, 1963; Papilio demodocus f. continua Storace, 1963; Papilio demodocus f. deminuta Storace, 1963; Papilio demodocus f. flavocincta Storace, 1963; Papilio demodocus f. latevittata Storace, 1963; Papilio demodocus f. pseudopraeses Storace, 1963; Papilio demodocus ab. belonota Vári, 1976; Papilio bennetti Dixey, 1898;

Die lemoenvlinder (Papilio demodocus) is 'n groot swaelstert vlinder inheems aan die oorgrote deel van sub-Sahara Afrika, insluitend Madagaskar, benewens die suidelike Arabiese Skiereiland. Die ruspes benut verskillende plantspesies as voedsel, maar veral dié van die familie Rutaceae, wat verboude sitrus insluit. Omdat hulle sitrusblare vreet word die lemoenvlinder as 'n pesspesie beskou.^[3]

Lewenskringloop

Lemoenvlinders gaan deur ongeveer drie geslagte per jaar. Hul eiers word op sitrusblare gelê.

Eiers

Die vroulike vlinder plaas haar eiers op die oppervlakte van 'n sitrusblaar. Na sowat ses dae broei die larwe (ruspe) uit die eier.

Onvolwasse larwe

Die onvolwasse larwe is swart en geel, met wit stekels. Hul kleur verskaf goeie kamoeflering, aangesien hulle lyk na voëlmis. Hulle groei tot 'n lengte van 10 tot 15 mm voor hulle in volwasse larwes verander.

Volwasse larwe

Die volwasse larwe (of ruspe) is groen met wit of rooskleurige merke en oogkolle. Hulle groei tot 'n maksimumlengte van sowat 45 mm.

By volwasse ruspes ontbreek die kamoeflering van hul vroeëre stadia. Instede stoot hulle 'n gevurkte oranje orgaan uit, bekend as 'n osmaterium, wanneer hulle deur 'n voël of ander predator gekonfronteer word. Die orgaan gee 'n sterk reuk af wat die predator ontmoedig om dit as prooi te neem.

Papie

Die ruspes heg hulle aan takke deur middel van sy, en transformeer dan na papies. Hulle bly in die papiestadium vir 2–3 weke voor die volwassene, die vlinder, verskyn.

Volwassene

Die volwassene het swart- en geelgemerkte vlerke met rooi en blou oogkolle. Die vroulike skoenlappers neig om groter as die mannetjies te wees.

Natuurlike vyande

Lemoenvlinder eiers en papies word geparasiteer deur sekere soorte parasitiese wespes, veral die taksa Ooencyrtus (eierpredator) en Pteromalus puparum (papiepredator).