Paris Maru
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die Paris Maru was 'n Japanse vragskip wat op 15 Januarie 1934 in Algoabaai vergaan het. Hierdie stoomskip van 7 197 ton is in 1921 in Engeland gebou en was die eiendom van die Osaka Shosen Kaisha Line. Dit was met 'n gemengde vrag met o.a. sykouse en paraffien van Japan na Kaapstad onderweg. Buite die hawe van Port Elizabeth was die suidoosterstorm besonder kwaai en tref die skip die Roman Rock. Uiteindelik sink die skip op 3 km van die hawe-ingang teenoor die Noordeinde-strand. Omdat die wrak direk in die vaarlinie van die hawe lê, is dit opgeblaas. Wrakstukke lê tot 16m diep en vorm 'n kunsmatige rif waarop die seelewe floreer. Slegs as die toestande uiters gunstig is, kan duikers dit besoek.
Bibliografie
wysig- Turner, Malcolm: Shipwrecks & salvage in South Africa – 1505 to the present. Kaapstad: Struik, 1988. ISBN 0-86977-387-9
- www.easterncapescubadiving.co.za
- www.sashipwrecks.com
- www.sa-venues.com
- www.wrecksite.eu
