Pati
Die Pati was ’n vragskip wat het op 29 Februarie 1976 in Algoabaai vergaan het.
Hierdie dieselaangedrewe skip van 5 623 ton is in 1950 gebou, het onder die vlag van Ciprus gevaar en was onder bevel van kapt. Costas Hardialias. Dit was met ’n vrag sement van die Ivoorkus na die Persiese Golf onderweg toe dit in digte mis op Thunderboltrif by Kaap Recife (Port Elizabeth) loop. Aanvanklik was die skip as die Ajana en later as die Kate A bekend en die laaste eienaar was Pyla Shipping Co. van Famagusta.
Weens die ryk seelewe in en om die wrak is dit ’n gewilde bestemming vir duikers.
Bibiografie
wysig- Turner, Malcolm: Shipwrecks and salvage in South Africa – 1505 to the present. Kaapstad: Struik, 1988. ISBN 0-86977-387-9
- www.sashipwrecks.com
- www.wrecksite.eu
