Patrick Cullinan
Patrick Cullinan (1933–2011) was 'n Suid-Afrikaanse digter en biograaf. Saam met Lionel Abrahams stig hy Bateleurpers in 1974, en die literêre joernaal The Bloody Horse: Writings and the Arts in 1980. Sy digbundels sluit in The Horizon Forty Miles Away, Today is not Diffrent, The White Hail in the Orchard en Selected Poems 1961–1991. Hy het ook ’n biografie van die ontdekker Robert Gordon die lig laat sien, Robert Jacob Gordon 1743–1795: The Man and His Travels at the Cape, asook ’n semi-outobiografiese prosawerk, Matrix, en ’n versameling briewe van Bessie Head, Imaginative Trespasser. Die Cullinandiamant is na sy oupa, die mynboupionier sir Thomas Cullinan, vernoem.[1]
| Patrick Cullinan | |
| Geboortenaam | Patrick Roland Cullinan |
|---|---|
| Geboorte | 25 Mei 1933 Pretoria |
| Sterfte | 14 April 2011 Kaapstad |
| Nasionaliteit | Suid-Afrika |
| Beroep | Digter, biograaf |
| Eerbewyse | Olive Schreiner-prys (1980) |
Lewensloop
wysigPatrick Roland Cullinan is op 25 Mei 1933 in Pretoria gebore. Sy oupa was die mynmagnaat sir. Thomas Cullinan gewees. Hy studeer aan die Charterhouse Skool en Oxford Universiteit in Engeland waar hy Italiaans en Russies leer lees. Ná sy studies keer hy na Suid-Afrika terug, waar hy 'n saagmeule besit en in die Oos-Transvaal geboer het.
Cullinan het groot aansien in Suid-Afrika geniet en was een van die mees prominente digters aan die einde van die 20ste eeu. Van die pryse wat hy gewen het, sluit in: die Slug-prys, die Olive Schreiner-prys,[2] drie Pringle-pryse, die Sanlam Literêre Toekenning en die Kaapstadse Historiese Vereniging se merietetoekenning. In April 2003 het die Republiek van Italië die titel "Cavaliere" aan hom toegeken vir sy vertalings van Italiaanse poësie, veral die werk van Eugenio Montale.
Voor sy aftrede het hy vir baie jare aan die Universiteit van Wes-Kaapland gedoseer, waarna hy voltydse geskryf het. Cullinan is op 14 April 2011 in Kaapstad oorlede. Hy was 77 jaar oud.
Bibliografie
wysigPoësie
- The Horizon Forty Miles Away. Polygraph (1963)
- Today is not Different. David Philip (1978; Olive Schreiner-prys, 1980)
- The White Hail in the Orchard. David Philip (1984)
- I Sing Where I Stand: Versions from the Afrikaans of Phil du Plessis: Poesie 1892–1984. Vooraand (1985)
- Selected Poems, 1961–1991. Artists’ Press (1992)
- Selected Poems, 1961–1994. Snailpress (1994)
- Mantis Poets: Guy Butler/Patrick Cullinan. David Phillips Publishers (1998)
- Transformations. Snailpress (1999)
- Escarpments (Poems 1973–2007). Umuzi Random House (2008)
Bundels
- Lionel Abrahams: A Reader. (red.) Ad Donker (1988)
- Dante in South Africa. (red. met Stephen Watson) Centre for Creative Writing, University of Cape Town (2005)
Biografie
- Robert Jacob Gordon 1743–1795: The Man and His Travels at the Cape. Winchester Struik (1992)
- Imaginative Trespasser: Letters from Bessie head to Patrick and Wendy Cullinan 1963–1977. Johannesburg: Wits University Press (2005). ISBN 1-86814-413-5
Roman
- Matrix. Snailpress (2002)
Sien ook
wysigVerwysings
wysig- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ "English Academy South Africa: Schreiner Prize Winners". Award Annals. 26 Mei 2006. Geargiveer vanaf die oorspronklike op 2 Junie 2012. Besoek op 28 Augustus 2017.