People Against Gangsterism and Drugs

People Against Gangsterism and Drugs (Engels, Mense teen misdaad en dwelms, PAGAD) is 'n organisasie wat in November 1995 gestig is as 'n Islamities-georiënteerde burgerbeweging wat hulle verset teen middelmisbruik en misdaad op die Kaapse Vlakte in Kaapstad, Suid-Afrika. Die organisasie was bekend vir sy geweld teen bendelede, en was betrokke by brandstigting en moord.[1]

Die organisasie was bekend vir die gebruik van geweld teen bendelede, wat brandstigting en moord insluit. Alhoewel PAGAD baie kleiner is as in die vroeë jare sedert hul stigting, rapporteer die organisasie dat hulle groei sedert 2014.

OorsprongWysig

PAGAD is oorspronklik deur 'n handjievol lede van die Pan Africanist Congress of Azania (PAC) en van die gemeenskap uit die Kaapse Vlakte gestig wat besluit het om openbare betogings te reël om die regering onder druk te plaas om die onwettige dwelmhandel en bendebedrywighede meer effektief te beveg.[2]:11 PAGAD het sake egter al hoe meer in eie hande geneem omdat hulle glo dat die polisie nie genoeg teen bendes opgetree het nie.[3] Aanvanklik was die gemeenskap en die polisie huiwerig om teen PAGAD op te tree, en erken die noodsaaklikheid van gemeenskapsoptrede teen misdaad in die bendegedrewe gemeenskappe van die Kaapse Vlakte.[3]

Berugte bendelede is aanvanklik deur PAGAD-lede gevra om hul kriminele aktiwiteite te staak of onderworpe te wees aan gepeupelgeregtigheid. 'n Algemene PAGAD-praktyk was om die huise van dwelmhandelaars aan die brand te steek en bendelede dood te maak.[2] PAGAD se veldtog het in 1996 prominent geword toe die leier van die Hard Livings-bende, Rashaad Staggie (Rashied Staggie se tweeling broer), doodgemaak is tydens 'n optog by sy huis in Soutrivier.[4] Die polisie in Suid-Afrika het PAGAD vinnig beskou as deel van die probleem eerder as 'n vennoot in die stryd teen misdaad, en hulle is uiteindelik deur die Suid-Afrikaanse regering as 'n terroriste-organisasie verklaar.[3]:11

Die dreig van toenemende kriminele aktiwiteite in 2000 het daartoe gelei dat die Wes-Kaapse provinsiale regering 'n "oorlog teen bendes" verklaar het wat destyds 'n belangrike prioriteit van die ANC se provinsiale regering geword het.[2]:11

Huidige aktiwiteiteWysig

PAGAD handhaaf vandag 'n klein en minder sigbare teenwoordigheid in die Kaapstadse Moslem-gemeenskap.

VerwysingsWysig

  1. People Against Gangsterism and Drugs (PAGAD), Center for Defense Information
  2. 2,0 2,1 2,2 Fourchard, L. (2011). "The politics of mobilization for security in South African townships". volume 110, issue 441. African Affairs. pp. 607–627. Besoek op Augustus 6, 2012.
  3. 3,0 3,1 3,2 "Pagad: Vigilantes or terrorists?". BBC news (in Engels). 13 September 2000. Geargiveer vanaf die oorspronklike op 26 Desember 2019.
  4. Drogin, Bob (Augustus 13, 1996). "Anti-Gang Fury Roils S. Africa". LA Times. Besoek op 8 Februarie 2017.

Eksterne skakelsWysig