Pierrefonds-Roxboro

Pierrefonds-Roxboro is 'n arrondissement (stadswyk) van die Kanadese stad Montreal (provinsie Quebec) met 'n oppervlakte van 27 vierkante kilometer en 68 410 inwoners (2011). Dit word in administratiewe opsig in twee distrikte verdeel, Pierrefonds-Roxboro-Est en Pierrefonds-Roxboro-Ouest.

Pierrefonds-Roxboro
Stad
Centre culturel de Pierrefonds
Centre culturel de Pierrefonds
Ligging van Pierrefonds-Roxboro op die Montréal-eiland
Ligging van Pierrefonds-Roxboro op die Montréal-eiland
Koördinate: 45°30′18″N 73°49′58″W / 45.50500°N 73.83278°W / 45.50500; -73.83278Koördinate: 45°30′18″N 73°49′58″W / 45.50500°N 73.83278°W / 45.50500; -73.83278
LandVlag van Kanada Kanada
ProvinsieQuebec
RegionMontréal
Geïnkorporeer op1 Januarie 2006
Regering
 • BurgemeesterMonique Worth
Oppervlak
 • Land27,13 km2 (10,47 vk. myl)
Bevolking
 • Totaal68 410
 • Digtheid2 521,6/km2 (6 531/vk. myl)
TydsoneUTC-05:00 (EST)
 • SomertydUTC-04:00 (EDT)
Poskode
H9J, H9H
Skakelkodes514/438
Webwerfville.montreal.qc.ca

Die arrondissement behels die voormalige munisipaliteite Pierrefonds en Roxboro in die noordweste van Montrealeiland. Pierrefonds-Roxboro grens aan die arrondissemente L'Île-Bizard-Sainte-Geneviève, Saint-Laurent, Ahuntsic-Cartierville, Senneville, Sainte-Anne-de-Bellevue, Kirkland en Dollard-Des Ormeaux.

Die logo van die ou Ville de Pierrefonds is ook ná sy samesmelting met Roxboro in 1999 en die insluiting by Montreal nog steeds in gebruik.

Oorsprong van die naam wysig

Die naam Pierrefonds is afgelei van 'n kasteel wat in 1902 deur die afgevaardigde Joseph-Adolphe Chauret opgerig is. Sy boustyl is deur 'n gravure van die Franse kasteel Pierrefonds naby Compiègne (Pikardië) geïnspireer.

Die oorsprong van die naam Roxboro is daarenteen nie presies bekend nie. Die aanneemlikste verklaring verwys na die boubedrywighede wat hier in 1914 vir 'n nuwe spoorwegtonnel deur die Mont Royal uitgevoer is. Gedurende die tonnelgraafwerk is talle rotse (Engels rocks) verwyder sodat die naam in etimologiese opsig 'n samestelling van rox (rocks) en boro (borough) kan wees.

Eksterne skakels wysig