Podocarpus
Podocarpus is 'n plantgenus wat hoort tot die familie Podocarpaceae.
| Podocarpus | |
|---|---|
| |
| Podocarpus latifolius in die Drakensberg | |
| Wetenskaplike klassifikasie | |
| Koninkryk: | |
| Divisie: | |
| Klas: | |
| Orde: | |
| Familie: | |
| Genus: | Podocarpus |
| Spesies | |
|
Sien teks. | |
Selfs vandag is daar nog geelboutbome van hoër as 40 m en ʼn stamdeursnit van meer as 2 m. Saam met ons inheemse sipresse (die seder- en sapreebome) is die geelhoutbome die enigste Suid-Afrikaanse verteenwoordiger van die Pinophyta, wat dennebome bome, sipresse, spardenne, jenewerbome en lorke insluit.
Pinophyta is gewoonlik keëldraend, maar die geelboutboom het sade in ronde doppe met ʼn vleesagtige huid. Manlike en vroulike bome kom voor. Die geelhoutboom is immergroen en saadverspreiding vind hoofsaaklik deur middel van voëls plaas. Een van die voëls wat die geelhoutboom help versprei, is die helderkleurige loerie. Die Podocarpaceae, die geelhoutfamilie, bestaan volgens die jongste indeling uit net drie spesies:
- Podocarpus latifolius (“egte" geelhout);
- Podocarpus henkelii (Henkel-se-geelhout);
- Podocarpus elongatus (Breëriviergeelhout).
In die vroeë dae van die volksplanting het geelhout ʼn belangrike rol gespeel. Dit was waarskynlik die dienlikste van die inheemse houtsoorte en gevolglik is geelhoutbome in groter getalle as enige ander boomsoort omgekap.
Die goue, gloeiende, syagtige voorkoms van die verwerkte hout maak dit ʼn gesogte houtsoort vir die vervaardiging van meubels; dit vertoon veral indrukwekkend as dit saam met stinkhout gebruik word. In die tuin van die Uniegebou in Pretoria, staan etlike geelhoutbome. In die Nasionale Botaniese Tuin te Kirstenbosch, in Kaapstad, kan etlike geelhoutbome gesien word, en geelhoutbome versier die Edinburgh-rylaan op pad na Constantia in die Kaapse Skiereiland.
Kyk ook
wysigBronne
wysig- KENNIS, 1980, ISBN 0798108231, volume 1, bl. 167
- Conifer Specialis Groep (1998). Podocarpus latifolius. 2006 IUCN Rooilys van Bedreigde spesies. IUBN 2006. Besoek op 12 Mei 2006.
- Suid-Afrikaanse Staatsimbole
- Algemene gids tot BOME. Keith, Paul & Meg Coates Palgrave. 2000. ISBN 1-86872-527-8