Pous Anastasius I

Anastasius I was die 39ste pous van die Rooms-Katolieke Kerk.

Pous Anastasius I
Geboortenaam	Anastasius
Pontifikaat begin	27 November 399
Pontifikaat eindig	19 Desember 401
Voorganger	Siricius
Opvolger	Innocentius I
Gebore
Sterf	19 Desember 401
Ander pouse genaamd Anastasius

Biografie

Pous Anastasius I is 'n Romein van geboorte. Op 27 November 399 volg hy Pous Siricius op en regeer tot sy dood op 19 Desember 401. Hy word opgevolg deur Pous Innocentius I. Die naam ‘Anastasius’ beteken ‘die heropgestane’.

Pontifikaat

Pous Anastasius I het Origenisme (die leerstellings van die teoloog Origenes van Alexandrië) veroordeel. Hy was bevriend met Hieronimus van Stridon, Augustinus en Paulinus van Nola. Daar word gesê dat hy die vader van sy opvolger Pous Innocentius I was.

Volgens oorlewering het hy karig en baie vroom gelewe. Daar is slegs drie briewe van hom wat behoue gebly het. Pous Anastasius I het die kerkskeuring met die kerk van Antiogië oorbrug.

Verering

Anastasius word as heilige in die Rooms-Katolieke Kerk vereer. Sy feesdag is 19 Desember. Die reliek van Anastasius is in 846 saam met die reliek van sy opvolger Pous Innocentius I deur die Saksiese hertog Liudolf na Gandersheim gebring.

Verwysings

• Davis, R. (2001) Book of the Pontiffs (English Translation of the Liber Pontificalis) Liverpool University Press. ISBN 0-85323-545-7

Eksterne skakels

• BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
• CE Inskrywing in die Catholic Encyclopedia (Engels)

Nota

Saamgestel uit die Nederlandse, Engelse, Duitse en Franse wikipedia.

Opvolging

Voorafgegaan deur Siricius

Pous (Pontifex Maximus) 399 – 401

Opgevolg deur Innocentius I