Maak hoofkeuseskerm oop

Miltiades was die 32ste pous van die Rooms-Katolieke Kerk.

Pous Miltiades
Pope Miltiades.jpg
Geboortenaam Miltiades
Pontifikaat begin 2 Julie 310 of 311
Pontifikaat eindig 10 of 11 Januarie 314
Voorganger Eusebius
Opvolger Silvester I
Gebore
Noord-Afrika
Sterf 10 of 11 Januarie 314
Rome, Italië

BiografieWysig

Pous Miltiades was 'n boorling van Noord-Afrika. Op 2 Julie 310 of 311 volg hy Pous Eusebius op en regeer tot sy dood op 10 Januarie of 11 Januarie 314. Hy word opgevolg deur Pous Silvester I. Die naam Miltiades word ook gespel ‘Miltiadea’, ‘Meltiades’, ‘Melciades’, ‘Miltides’ of ‘Melchiades’ en beteken ‘die koninklike’.

PontifikaatWysig

Miltiades word pous na 'n kort sedis vacatio wat gevolg het op die dood van Pous Eusebius in ballingskap op Sisilië. Aan die begin van sy pontifikaat word die Edik van Milaan geteken deur keisers Galerius, Licinus en Konstantyn wat 'n einde maak aan die Christenvervolgings, behalwe in die Ooste waar Maximus Daia regeer het. Twee Romeinse diakens, Strato en Cassianus, is aangesê om die Kerk se eiendom terug te kry. Miltiades het die stoflike oorskot van sy voorganger Pous Eusebius uit Sisilië laat bring en dit in die Callixtus katakombe herbegrawe.

Na die oorwinning van keiser Konstantyn by die Milviaanse brug op 27 Oktober 312 skenk die keiser die Lateraanse Paleis aan die pous. Later is 'n basiliek langs die paleis gebou wat die hoofkerk van Rome geword het. Op 2 Oktober 313 is 'n sinode in die Lateraanse Paleis gehou, wat die verkiesing van Caecilianus as biskop van Kartago bevestig het. Sy teenstander Donatus is skuldig bevind aan kettery nes sy aanhangers die Donatiste.

VereringWysig

Miltiades word as heilige vereer. In die Rooms-Katolieke Kerk is sy feesdag op 10 Januarie of 10 Desember. In die Oosters-Ortodokse Kerk is dit op 10 April.

VerwysingsWysig

  • Davis, R. (2001) Book of the Pontiffs (English Translation of the Liber Pontificalis) Liverpool University Press. ISBN 0-85323-545-7
  • Serralda, Vincent en Huard, André, Le Berbère...Lumière de l'Occident, bl. 68–70, Nouvelles Editions Latines, Parys, 1990 (ISBN 978-2723302395)

Eksterne skakelsWysig

  • BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
  • CE Inskrywing in die Catholic Encyclopedia (Engels)


NotaWysig

Saamgestel uit die Nederlandse, Engelse, Duitse en Franse wiki’s.

OpvolgingWysig

Voorafgegaan deur
Eusebius
Biskop van Rome
311314
Opgevolg deur
Silvester I