Prempeh I
Prempeh I (Otumfuo Nana Prempeh I, 18 Desember 1870 tot 12 Mei 1931) was die 13de koning van die Ashantiryk.[1] Asantehene (koning) Prempeh I het van 26 Maart 1888 tot met sy dood in 1931 regeer. Hy het onder meer in 1893 oorlog teen Brittanje gevoer.[2]
| Prempeh I | ||
| Asantehene | ||
| Bewind | 26 Maart 1888 - 12 Mei 1931 | |
| Voorganger | Owusu Sekyere II | |
| Opvolger | Prempeh II | |
| Koningshuis | Beretuo | |
| Gebore | 18 Desember 1870 Kumasi, Asjantiryk | |
| Gesterf | 12 Mei 1931 (op 60) | |
| Begrawe | Kumasi | |
| Moeder | Koningin Yaa Akyaa | |
| Volle naam | Otumfuo Nana Prempeh I | |
Biografie
wysigKoning Prempeh I se oorspronklike naam was prins Kwaku Dua III Asamu. Sy ma, koningin Yaa Akyaa, was die koninginmoeder van die Asjantiryk. Deur strategiese politieke huwelike het sy die Goue Stoel, of troon, vir haar seun verseker.[3]
In 1888 het Prempeh die troon as 16-jarige bestyg. Hy het verskeie oorloë teen Brittanje geveg en toe Brittanje hom vra om ’n protektoraat in sy koninkryk te aanvaar, het hy geweier.[3]
In Januarie 1896 het die Britte onder sir Robert Baden-Powell in die hoofstad van die Asjantiryk, Kumasi, aangekom.[4] Kort daarna het goewerneur William Maxwell ook in Kumasi aangekom.
Brittanje het die gebiede van die Asjanti en Fanti geannekseer. Prempeh I is afgesit en na die Seychelle verban. Asjanti het deel van die Britse Goudkuskolonie geword en ’n Britse minister-resident is in Kumasi aangestel.
In 1900 het ’n versoek dat die Goue Stoel, die simbool van die Asjanti se soewereiniteit,[2] aan die Britte oorhandig word, gelei tot ’n opstand onder Yaa Asantewaa wat bekend geword het as die Oorlog van die Goue Stoel. Die opstand is onderdruk en Yaa Asantewaa is ook na die Seychelle verban. In Januarie 1902 het Brittanje ’n protektoraat in die Asjantiryk afgekondig.
Op 31 Januarie 1935 is Asjanti se onafhanklikheid herstel. Ná Prempeh I se dood op 12 Mei 1931 is hy deur Prempeh II opgevolg. Hy is in Kumasi begrawe.[3]
Verwysings
wysig- ↑ Nana Prempeh I (1870-1931) Geargiveer 22 Julie 2013 op Wayback Machine. Blackhistorypages.net. Besoek op 2016-12-26.
- ↑ 2,0 2,1 Robin Hallett (1974) Africa Since 1875: A Modern History. University of Michigan Press: Ann Arbor. p. 281.
- ↑ 3,0 3,1 3,2 Robin Hallett (1974) Africa Since 1875: A Modern History. University of Michigan Press: Ann Arbor. p. 28.
- ↑ "The Downfall of Prepmeh" deur Robert Baden-Powell, 1896. Die Amerikaanse uitgawe kan afgelaai word by http://www.thedump.scoutscan.com/dumpinventorybp.php
Skakels
wysig
Wikimedia Commons het meer media in die kategorie Prempeh I.- Koning Prempeh se troon
- Asantehene (koning van Asante).
- Konings en koninginne van Asante
Hierdie artikel is in sy geheel of gedeeltelik uit die Engelse Wikipedia vertaal.
