Provo [ˈproʊvoʊ] is die tweede grootste stedelike nedersetting in die Amerikaanse deelstaat Utah met 'n bevolking van meer as 116 000 in 2019. Provo is sowat 43 myl (69 km) suid van Salt Lake City in die sentrale gedeelte van die Utahvallei (Utah Valley, die eerste vallei net suid van die Groot Soutmeervallei) geleë en maak deel uit van die metropolitaanse gebied Wasatch Front wat naas Salt Lake City en Provo ook West Jordan, Layton en Ogden insluit. Met 2,2 miljoen inwoners is vier vyfdes van Utah se bevolking in hierdie gebied saamgetrek. Provo word in die ooste deur bergpieke begrens wat deel uitmaak van die Wasatch Front-bergreeks, en in die weste deur die Utahmeer, die derde grootste varswatermeer wes van die Mississippi en een van die ontspanningsgebiede in Provo se nabye omgewing.

City of Provo
Stad
Collage of Provo, Utah.jpg
Ligging in Utah County
Ligging in Utah County
City of Provo is in die Verenigde State
City of Provo
City of Provo
Ligging in die VSA
Koördinate: 40°14′40″N 111°39′39″W / 40.24444°N 111.66083°W / 40.24444; -111.66083Koördinate: 40°14′40″N 111°39′39″W / 40.24444°N 111.66083°W / 40.24444; -111.66083
LandVlag van Verenigde State van Amerika Verenigde State
DeelstaatFlag of Utah.svg Utah
CountyUtah County
Regering
 • TipeBurgemeester met groter bevoeghede
 • BurgemeesterMichelle Kaufusi (R)
Oppervlak
 • Totaal114,44 km2 (44,19 vk. myl)
Hoogte
786 m (2 579 ft)
Bevolking
 • Totaal116 618
 • Digtheid1 019/km2 (2 639/vk. m.)
TydsoneUTC-7 (MST)
 • SomertydUTC-6 (MDT)
Poskode (ZIP code)
84601-84606
Skakelkodes385, 801
WebwerfCity of Provo
Die middestad van Provo met die Marriott Hotel en -konferensiesentrum
Little Miss Lindon-wa tydens die Freedom Festival Grand Parade op 4 Julie 2018, die Amerikaanse Onafhanklikheidsdag
American Fork Marching Band tydens die Freedom Festival Grand Parade op 4 Julie 2018. In die agtergrond: die LDS-tempel in Provo se middestad

Provo word deur dieselfde stadsuitleg gekenmerk soos Salt Lake City, met 'n netwerk van breë strate wat deur die vroeë setlaars en stadstigters, lede van die Kerk van Jesus Christus van die Heiliges van die Laaste Dae, aangelê is, maar verskil van die deelstaathoofstad deur die godsdienstige samestelling van sy bevolking - byna 90 persent van Provo se bevolking is Kerklidmate. Die stadskarakter word verder beïnvloed deur die Brigham Young-universiteit (BYU) met sowat 30 000 studente wat sy setel in Provo het. BYU maak deel uit van die Kerk van Jesus Christus van die Heiliges van die Laaste Dae se ambisieuse opleidingsprogram en word dikwels as die Kerk se intellektuele sentrum beskryf.[1]

Die universiteit, gestig in 1875 en tans die grootste tersiêre instelling in die Verenigde State wat deur 'n godsdienstige instelling bedryf word, lok veral jong Kerklidmate, maar het nogtans 'n sterk kosmopolitiese karakter danksy die internasionale herkoms van sy studente en die feit dat baie van hulle voor hul akademiese opleiding sendingwerk in die buiteland gedoen het. BYU is een van die grootste werkverskaffers in Provo.

Terwyl die Utahvallei oorspronklik met boerderye en vrugteboorde verbind is, is die gebied tussen die 1920's en die Tweede Wêreldoorlog deur 'n nywerheidsomwenteling geraak waartydens staalaanlegte hier gevestig is. Die hoëtegnologiebedryf het in die 1980's 'n belangrike drywer van ekonomiese groei geword met die vestiging van sagteware-ondernemings soos WordPerfect en Novell.

VerwysingsWysig

  1. Allan Kent Powell: Utah Guide. Derde uitgawe. Golden, Colorado: Fulcrum Publishing 2003, bl. 124

Eksterne skakelsWysig

Toerisme