Qasem Soleimani
Qasem Soleimani (Persies: قاسم سلیمانی, uitgespreek [ɢɒːseme solejmɒːniː]; 11 Maart 1957 - 3 Januarie 2020), ook gespel Qassem Suleimani of Qassim Soleimani, was 'n Iranse generaal-majoor in die Islamitiese Revolusionêre Wagkorps (IRGC) en vanaf 1998 tot sy dood bevelvoerder van die Koeds-mag, 'n afdeling wat hoofsaaklik verantwoordelik was vir militêre en klandestiene operasies buite die land.
Soleimani het sy militêre loopbaan begin teen die aanvang van die oorlog tussen Iran en Irak in die 1980's, waartydens hy uiteindelik die 41ste afdeling aangevoer het. Hy was later betrokke by klandestiene operasies en het militêre hulp aan Hezbollah in Libanon verleen. In 2012 het Soleimani die Siriese regering, 'n belangrike Iranse bondgenoot, tydens die Siriese burgeroorlog help versterk, veral in die operasies teen ISIL en sy filiale. Soleimani het ook gehelp met die bevel van die gekombineerde Irakse regering en die Sjia-militêre magte wat in 2014–2015 suksesvol teen ISIL geveg het.
Soleimani is op 3 Januarie 2020 in Bagdad, Irak, dood in 'n Amerikaanse hommeltuig-teikenaanval.[1] Irakse lede van die Volksmobilisasie-magte en die adjunkhoof, Abu Mahdi al-Muhandis, is ook in die aanval dood. Soleimani is dadelik opgevolg deur Esmail Ghaani as bevelvoerder van die Koeds-mag.[2]
Verwysings wysig
- ↑ CNN, Zachary Cohen, Hamdi Alkhshali, Arwa Damon and Kareem Khadder. "US drone strike ordered by Trump kills top Iranian commander in Baghdad". CNN (in Engels). Geargiveer vanaf die oorspronklike op 23 Mei 2020. Besoek op 3 Januarie 2020.
{{cite web}}:|last=has generic name (hulp)AS1-onderhoud: meer as een naam (link) - ↑ "Soleimani's Deputy Esmail Ghaani Named Iran's Quds Force Chief". Bloomberg (in Engels). 3 Januarie 2020. Geargiveer vanaf die oorspronklike op 3 Januarie 2020. Besoek op 3 Januarie 2020.
Eksterne skakels wysig
Wikimedia Commons het meer media in die kategorie Qasem Soleimani.
