Rocherpan
Die Rocherpan is 'n natuurreservaat aan die Weskus. Dit grens aan die see, lê aan die pad van Velddrif en Laaiplek na Elandsbaai en is noord van Dwarskersbos.
| Rocherpan | |
|---|---|
| Land | Suid-Afrika |
| Provinsie | Wes-Kaap |
| Naaste dorp | Velddrif |
  Rocherpan |
|
| Koördinate: 32°35′0″S 18°17′0″O / 32.58333°S 18.28333°O | |
| Oppervlak | 9,1 km² |
| Openingsjaar | 1967 |
| Bestuursliggaam | CapeNature |
In 1839 het Pierre Rocher die mond van die Papkuilsrivier opgedam om met die water uit die Auroraberge beter weiding vir sy vee agter die ry duine te skep. So het hy egter ook 'n ideale habitat vir voëllewe daargestel. Tydens die Kaapse reëntyd beslaan die meer soms 'n area van 110ha, is dan tot 6 km lank en tot 2m diep. Van Maart tot Junie is die vlei egter droog. Reeds 183 voëlspesies (insluitende 70 soorte watervoëls) is reeds hier aangeteken. Daaronder is die bedreigde witpelikaan (Pelecanus onocrotalus), die swarttobie (die swart oestervanger, Haematopus moquini) en grootflaminke. Ook is dit 'n broeiplek vir die Kaapse slopeend (Anas smithii). Van Junie tot September is daar meesal walvisse voor die kus. En in die lente is die veld gewoonlik bedek met die Namakwalandse blomme.
Hierdie vlei is in 1966 tot natuurreservaat verklaar. Sedert 1988 is die seegebied vanaf die hoogwatermerk tot 500m weswaarts 'n marine-reservaat. In die park is wandelpaaie, twee voëlkykhutte en ongerepte strand.
Bronne
wysig- Die Burger, 23 Julie 2013
- www.capenature.co.za
- www.sa-venues.com