Ronald Pearson Tripp

Ronald Pearson Tripp (1914-2001) was 'n Britse paleontoloog wat gespesialiseer het in trilobiete. Hy was grootendeels selfopgelei. Tripp is in 1914 in Engeland gebore, en was 'n gesaghebbende op die taksonomie van die trilobietfamilies Encrinuridae, Lichidae en Lichakephalidae - laasgenoemde wat deur hom benaam is. Hy het die gedeelte oor die superfamilie Lichacea geskryf vir die monumentale "Treatise on Invertebrate Paleontology", wat in 1959 gepubliseer is. Hy het ook verskeie artikels en monografieë oor hierdie families geskryf, asook publikasies oor hele trilobietfaunas. As Genoot van die Royal Society of Edinburgh, Tesourier van die Paleontologiese Vereniging en Assosiaat van die Natuurhistoriese Museum, het hy baie nuwe spesies en hoër taxa van trilobiete, veral van die Ordovisiese-gesteentes van die Verenigde Koninkryk, gevestig voordat hy sy navorsing wêreldwyd uitgebrei het. Na sy vrou Doris se dood in 1980, het hy later met Phyllis Forrest getrou het en na Toronto verhuis. Hier het hy sy trilobietnavorsing as Medewerker van die Royal Ontario Museum voortgesit nadat hy wettig blind geword het. Tripp is in 2001 in Toronto dood, en Phyllis het skielik twee maande later gesterf.

Ronald Pearson Tripp by sy huis in Toronto, 1998

Sien ook wysig

Verwysings wysig

  • Gass, Kenneth C. (2002). "Ronald Pearson Tripp (1914–2001)". Journal of Paleontology. 76 (2): 396–396. doi:10.1666/0022-3360(2002)076<0396:RPT>2.0.CO;2.[dooie skakel]
  • Moore, RC, ed. 1959. Treatise on Invertebrate Paleontology, Part O, Arthropoda 1. Geological Society of America & University of Kansas Press. Lawrence, Kansas & Boulder, Colorado. xix + 560 p., 415 fig.
  • Rushton, A and JT Temple. Ronald Pearson Tripp (1914–2001). Palaeontological Association Newsletter 49 (2002), p. 32-34.