Schreibersiet
 
'n Gepoleerde stuk van die Kaap York-meteoriet ('n oktaëdriet-ystermeteorie). Die donker ronde strukture is troiliet. Rondom hulle is 'n rand van schreibersiet. 
Formule (Fe,Ni)3P 
Onsuiwerhede Cr[1] 
Nickel-Strunz (10) 1.BD.05  
Kleur silwerwit, word dof gelerigbruin 
Glans metalliek 
Hardheid 6,5 - 7 (Mohs) 
Digtheid 7,0 -7,3 g/cm3 
Optiese eienskappe 
Dubbelbreking eenassig 
Kristallografie 
Ruimtegroep I4 
Strukturbericht-kode D0ₑ 
Eenheidsel a = 9.05 Å, c = 4.47 Å
* Lys van minerale
Portaal Geologie

Schreibersiet is 'n skaarse fosfiedmineraal wat hoofsaaklik in meteoriete aangetref word.

Dit is in 1847 na Karl Franz Anton von Schreibers (1775 - 1852) uit Bratislava vernoem.[1]

Die mineraal word maklik deur water en suurstof aangetas en vorm dan verskeie fosfaat-anione. Dit is ook 'n katalis wat die formosereaksie bevorder, omdat dit Fe2+-ione vrystel asook die pH verhoog. Hierdie reaksie vervaardig suikers uit formaldehied en in die teenwoordigheid van schreibersiet kan ook gefosforiliseerde suikers soos ribose gevorm word. Meteoriete wat schreibersiet bevat het in die Hadeïkum dalk 'n rol gespeel in die ontstaan van die lewe op Aarde. [2]

Dit het 'n tetragonale stuktuur en is isostruktureel met Fe3P en Ni3P.[3] In strukturbericht-klassifikasie is dit die D0ₑ-struktuur.[4] Die ruimtegroep I4 is nie-sentrosimmetries en dit beteken dat daar twee enantiomere kristalstrukure bestaan. Die absolute konfigurasie kan bepaal word en die twee enantiomere kom waarskynlik lukraak onder die schreibersiet-kristalle voor.[5]

Verwysings wysig