Die Scilly-eilande (Engels: Isles of Scilly of Scilly Isles, Kornies: Syllan of Enesek Syllan) is 'n argipel wat suidwes van Cornwall, Engeland, en tussen 25 en 36 myl (40 tot 58 km) van die streek se mees westelike skiereiland Land's End af in die Keltiese See geleë is. Die Scilly-eilande vorm die mees suidelike punt van Engeland en die Verenigde Koninkryk.

Scilly-eilande
Inheemse naam: Isles of Scilly / Scilly Isles
Syllan / Enesek Syllan
Ligging van die Scilly-eilande aan die kus van Engeland
Ligging van die Scilly-eilande aan die kus van Engeland
Geografie
Ligging Cornwall, Engeland, Verenigde Koninkryk
Koördinate 49°56′10″N 06°19′22″W / 49.93611°N 6.32278°W / 49.93611; -6.32278Koördinate: 49°56′10″N 06°19′22″W / 49.93611°N 6.32278°W / 49.93611; -6.32278
Argipel Britse Eilande
Totale eilande 145
Hoofeilande St. Mary's, Tresco, St. Martin's, Bryher, St. Agnes
Oppervlakte 16,37 vk km

Administrasie
Vlag van Verenigde Koninkryk Verenigde Koninkryk
Land Engeland

Grootste stad Hugh Town (1 097)
Elizabeth II Elizabeth II

Demografie
Bevolking 2 300

Bevolkingsgroepe Engelse
Nie-amptelike vlag van die Scilly-eilande
Nasa-Satellietbeeld van die Scilly-eilande
'n Uitsig oor Tresco, die tweede grootste eiland

Die argipel bestaan uit meer as 140 eilande, waarvan net vyf bewoon is. In 2016 het die eilande 'n bevolking van 2 300 gehad en het 'n oppervlakte van 16,37 km². Die Scilly-eilande maak deel uit van die seremoniële graafskap Cornwall en is naby die ingang van die Engelse Kanaal geleë.

Die eilandgroep bestaan uit graniet en is sodoende 'n voortsetting van die granietmassa's van die Corniese vasteland. Die hoogste punt met 165 voet of 50 m bo seevlak is op St. Mary's geleë. Die eilande se kuslyne is rotsig met baie gevaarlike riwwe.

Danksy die eilandgroep se buitengewoon gematigde klimaat met maandelikse gemiddeldes tussen 7 en 16 °C verskil sy fauna en flora merkbaar van dié wat op die Engelse vasteland aangetref word. So gedy hier onder meer ook subtropiese plantspesies. Die argipel se rotse en eilandjies is 'n habitat vir robbe.

Geografie wysig

Eiland Bevolking
(2001-sensus)
Oppervlakte (km²) Hoofstad
St. Mary's 1 666 6,58 Hugh Town
Tresco 180 2,97 New Grimsby
St. Martin's (met White Island) 142 2,37 Higher Town
St. Agnes (met Gugh) 73 1,48 Middle Town
Bryher (met Gweal) 92 1,32 The Town
Samson  –(1) 0,38  
Annet  – 0,21  
St Helen's  – 0,20  
Teän  – 0,16  
Great Ganilly  – 0,13  
Oorblywende 45 eilandjies  – 0,57  
Scilly-eilande 2 153 16,37 Hugh Town

(1) Bewoon tot 1855.

Eksterne skakels wysig