Wikipedia

Selfoongebruik tydens motorbestuur (teksboodskappe)

Die skryf, stuur en lees van teksboodskappe, trouens enige selfoongebruik tydens bestuur word deur baie mense, insluitend owerhede, as uiters gevaarlik beskou, en is op sekere plekke óf verbied óf onwettig verklaar. (Voortaan sal "selfoongebruik" gebruik word, in plaas van die meer omslagtige "stuur en ontvang van teksboodskappe".)

Die stuur en ontvang van teksboodskappe tydens motorbestuur lei tot verhoogde afleiding
wysig

Die wetenskaplike literatuur oor die gevare van selfoongebruik tydens motorbestuur is beperk, maar besig om toe te neem. Volgens 'n simulasiestudie aan die Monash University se Ongeluknavorsingsentrum is daar sterk bewyse dat die ontvang en veral stuur van teksboodskappe 'n nadelige uitwerking op 'n aantal veiligheidskritiese bestuurmaatreëls het.[1] Die negatiewe uitwerking was veral duidelik by bestuurders se waarneming van en reaksie op padtekens, die bespeuring van gevare, tyd wat oë nie op die pad is nie en (slegs vir die stuur van boodskappe) 'n laterale posisie.[2] 'n Ander simulasiestudie aan die University of Utah het bevind dat daar 'n sesvoudige toename in aandaggebrek-verwante ongelukke tydens selfoongebruik is.[3]

Volgens 89% van Amerikaanse volwassenes is selfoongebruik tydens bestuur "steurend, gevaarlik en moet dit onwettig verklaar word".[4] Die AAA Foundation for Traffic Safety het data vrygestel waarvolgens 87% mense selfoongebruik tydens bestuur as 'n "baie ernstige" gevaar beskou, byna gelykstaande aan die 90% ondervraagdes wat dronkbestuur as 'n bedreiging beskou. Ondanks hulle erkenning van die gevare van selfoongebruik agter die stuur, sê ongeveer helfte van die bestuurders egter dat hulle daaraan skuldig is.[5] Die Will Smith-rolprent Seven Pounds (2008) handel oor Will se karakter wat selfmoord pleeg sodat sy organe geskenk kan word om sewe mense se lewens te red in 'n poging om te vergoed vir die sewe mense wat dood is omdat hy 'n teksboodskap ontvang het terwyl hy bestuur het. Selfoongebruik het veral aandag getrek ná verskeie hoogsgepubliseerde padongelukke wat deur bestuurders veroorsaak is wat op hulle selfone besig was, insluitend 'n ongeluk in Mei 2009 waar 'n Boston-trembusbestuurder 'n botsing veroorsaak het terwyl hy vir sy meisie 'n boodskap gestuur het.[6] Die Chatsworth-treinbotsing waar 25 passasiers dood is, is ook aan selfoongebruik toegeskryf. Ondersoeke het aan die lig gebring dat die masjinis 45 teksboodskappe gestuur het terwyl hy die trein bestuur het. Ten spyte van hierdie voorvalle het selfoonmisbruik steeds gestyg. In 'n 2010-peiling aan die Fairleigh Dickinson University het 25% deelnemers erken dat hulle teksboodskappe stuur terwyl hulle bestuur, 10% hoër as die 15% wat in 2008 aangeteken is.[7]

Verskeie studies het gepoog om die gevare van selfoongebruik tydens motorbestuur met dronkbestuur te vergelyk. Een so 'n studie is in Junie 2009 deur die tydskrif Car and Driver onderneem.[8] Die studie het die reaksietye en remafstande van die subjekte vergelyk terwyl hulle 'n teksboodskap gelees het en daarop reageer het. Die remafstande het soos volg vergelyk:

  • Onaangetas: 0.54 sekondes om te rem
  • Dronk regtens die wet: voeg 1,2 m by
  • Besig om e-pos te lees: voeg 11 m by
  • Besig om teksboodskap te stuur: voeg 21 m by

In Maart 2012 het die VK se Instituut vir Gevorderde Motoriste 'n studie gepubliseer waarvolgens die gebruik van slimfone vir sosiale netwerk-aktiwiteite tydens motorbestuur gevaarliker is as om onder die invloed van alkohol of dagga te bestuur.[9]

Navorsing deur die Transport Research Laboratory het hierdie bevindings bevestig. Bestuurders se reaksietye tydens 'n selfoongesprek het met 46% afgeneem, tydens die skryf van teksboodskappe met 37%, en tydens loshand-oproepe met 27%. Diegene wat teen die limiet van 80 mg alkohol per 100 ml bloed bestuur het, se reaksietyd was 13% stadiger, en persone onder die invloed van dagga, 21% stadiger.[10][11]

In 'n studie deur die University of Buffalo is daar bevind dat 'n soortgelyke gewoonte – die stuur en ontvang van teksboodskappe terwyl jy loop – meer beserings as selfoonhantering tydens motorbestuur veroorsaak.[12]

Studie deur die Virginia Tech Transportation Institute

wysig

Op 27 Julie 2009, het die Virginia Tech Transportation Institute voorlopige bevindings van hulle studie oor bestuurder-afgetrokkenheid in kommersiële voertuie bekendgemaak.[13] In verskeie naturalistiese bestuurstudies van langafstandvragmotors sowel as ligter voertuie wat saam 'n som van ses miljoen myl afgelê het, is videokameras gebruik om die bestuurders en die pad dop te hou. Die stuur en ontvang van teksboodskappe het die hoogste relatiewe risiko ingehou. Die studie het bevind dat bestuurders hulle oë vir normaalweg ses sekondes van die pad afneem, en dat gemiddeld 4,6 uit daardie ses sekondes gedurende veiligheidskritieke oomblikke was. Verder, wanneer daar teen 89 km/h gery word, en die bestuurder vir ses sekondes 'n boodskap stuur, kyk hy vir 4,6 sekondes van daardie tyd na sy foon terwyl hy 'n afstand van 'n voetbalveld aflê sonder dat sy oë op die pad is. Van die gevolgtrekkings van hierdie studie het ingesluit dat "die stuur en ontvang van teksboodskappe in bewegende voertuie vir alle bestuurders verbied behoort te word," en dat "enige selfoongebruik vir nuutgelisensieerde tienerbestuurders verbied moet word". Die resultate van die studie word hieronder gelys:

Risikoverhoging van selfoontake volgens tipe voertuig[14]
Selfoontaak Risiko van 'n ongeluk
Ligte voertuig: Skakel 2,8 keer hoër as onaangetaste bestuur
Ligte voertuig: Praat/Luister 1,3 keer hoër as onaangetaste bestuur
Ligte Voertuig: Reik na elektroniese toestel 1,4 keer hoër as onaangetaste bestuur
Swaar Voertuie/Vragmotors: Skakel 5,9 keer hoër as onaangetaste bestuur
Swaar Voertuie/Vragmotors: Praat/Luister 1,0 keer hoër as onaangetaste bestuur
Swaar Voertuie/Vragmotors: Gebruik/Reik na elektroniese toestel 6,7 keer hoër as onaangetaste bestuur
Swaar Voertuie/Vragmotors: skryf/stuur teksboodskappe 23,2 hoër as onaangetaste bestuur

Gevare

wysig

Die gewildheid van mobiele toestelle hou verskeie onopsetlike en selfs gevaarlike gevolge in. Die gebruik van mobiele toestelle word gekoppel aan 'n aansienlike toename in afgetrokke motorbestuur wat tot beserings en selfs sterftes lei.

  • In 2010 het die National Highway Traffic Safety Administration berig dat afgetrokke bestuurders die oorsaak van 18% van alle noodlottige ongelukke is, met 3 092 sterftes.[15]
  • Volgens 'n opname deur die Pew Research Centre sê 40% van Amerikaanse tieners dat hulle al in 'n motor was waar die bestuurder se gebruik van 'n selfoon mense in gevaar gestel het.[16]
  • Die Virginia Tech Transportation Institute het bevind dat selfoongebruik 'n ongeluksrisiko skep wat 23 keer hoër is as wanneer die bestuurder op die pad konsentreer.[17]
  • Elf persent van bestuurders tussen die ouderdomme van 18 en 20 wat motorongelukke oorleef het, het erken dat hulle teksboodskappe gestuur of ontvang het toe die ongeluk plaasgevind het.[18]

Tegnologie as 'n oplossing

wysig
 
'n Bord in die West University Place, Texas (Groter Houston) belet bestuurders om teksboodskappe te stuur of ontvang

In 2009 is daar berig dat sommige maatskappye, insluitend iZUP, ZoomSafer en Aegis Mobility stelsels gebruik wat deur middel van 'n selfoon se GPS-sein, data van die motor self of van nabygeleë selfoontorings, beperkings op selfoongebruik plaas.[19] Verder bied maatskappye soos TextNoMore 'n "opt-in"-oplossing wat gebruikers vir aktivering beloon.

In 2013 is die gebruik van liggingsgebaseerde tegnologie om potensiële selfoongebruik tydens bestuursituasies op te spoor, aangekondig.[20] Hierdie benadering maak gebruik van die GPS- en netwerkliggingsdienste van Android-selfone om die spoed te beraam waarteen die selfoon beweeg wanneer 'n teksboodskap gestuur word.

Die afgelope paar maande het verskeie staatspolisiemagte in Australië kameras begin toets wat die vermoë het om bestuurders wat hulle selfone gebruik, op 'n afstand van meer as 500 meter te identifiseer.[21] Die polisie in Wes-Australië maak gebruik van ongemerkte motorfietse om 'n oog op ander motoriste te hou; enige oortreding sal deur die motorfietsbeampte se helmkamera afgeneem word[22]

Verwysings

wysig
  1. ↑ Hosking, S.G., Young, K.L., & Regan, M.A. (2006). "The effects of text messaging on young novice driver performance" (PDF). Besoek op 16 Augustus 2014.{{cite web}}: AS1-onderhoud: meer as een naam (link)
  2. ↑ Hosking, Simon. "The Effects of Text Messaging on Young Novice Driver Performance" (PDF).. 
  3. ↑ "Text messaging not illegal but data clear on its peril". Geargiveer vanaf die oorspronklike op 29 April 2008. Besoek op 30 September 2014.
  4. ↑ Mark Wilson. "89% of Americans Want Texting While Driving Outlawed". Gizmodo (in Engels). Geargiveer vanaf die oorspronklike op 22 Julie 2010. Besoek op 30 September 2014.
  5. ↑ Hanowski, Richard (3 Junie 2009). "Driver Distraction in Commercial Vehicle Operations".. Besoek op 2009-07-28.  Geargiveer 15 Februarie 2010 op Wayback Machine
  6. ↑ Valencia, Milton (8 Mei 2009). "MBTA: Conductor in Boston trolley crash was texting his girlfriend". The Boston Globe (in Engels). Geargiveer vanaf die oorspronklike op 25 Februarie 2017.
  7. ↑ http://publicmind.fdu.edu/texting/final.pdf
  8. ↑ Austin, Michael (Junie 2009). "Texting While Driving: How Dangerous is it?". Car and Driver (in Engels). Geargiveer vanaf die oorspronklike op 8 Oktober 2011. Besoek op 3 Julie 2010.
  9. ↑ ""Warning about mobile phone driving danger" at which.co.uk" (in Engels). Geargiveer vanaf die oorspronklike op 7 November 2017. Besoek op 30 September 2014.
  10. ↑ Arbuthnott, George; Ward, Audrey (8 Junie 2014). "Texts worse than drink-driving" (in Engels). The Sunday Times. Geargiveer vanaf die oorspronklike op 27 Februarie 2017. Besoek op 8 Junie 2014.
  11. ↑ "Using a mobile while driving 'worse than drink or drugs'" (in Engels). itv. 8 Junie 2014. Geargiveer vanaf die oorspronklike op 26 Februarie 2017. Besoek op 8 Junie 2014.
  12. ↑ "This Habit Causes More Injuries than Texting and Driving... And You're Probably Doing It" (in Engels). Catania and Catania. 10 Junie 2014. Geargiveer vanaf die oorspronklike op 27 Februarie 2017. Besoek op 16 Augustus 2014.
  13. ↑ "Texting While Driving Greatly Increases Crash Risks" (in Engels). Geargiveer vanaf die oorspronklike op 26 Februarie 2017. Besoek op 16 Augustus 2014.
  14. ↑ Press Release Cell phones and Driver Distraction, Virginia Tech Transportation Institute, archived from the original on 19 Junie 2013, https://web.archive.org/web/20130619044917/http://www.maafirm.com/library/Virginia_Tech_Distracted_Texting_Driving_Cell_Phone_Study.pdf, besoek op 18 Julie 2017 
  15. ↑ [1]
  16. ↑ "Teens and Distracted Driving" (in Engels). Pew Research Center. Geargiveer vanaf die oorspronklike op 26 Oktober 2019. Besoek op 25 Januarie 2012.
  17. ↑ "April is Distracted Driving Awareness Month – Virginia Tech Transportation Institute – Virginia Tech" (in Engels). 15 April 2013. Geargiveer vanaf die oorspronklike op 13 Mei 2015. Besoek op 30 September 2014.
  18. ↑ "The Dangers of Texting While Driving". Federal Communications Commission (in Engels). Federal Communications Commission. Geargiveer vanaf die oorspronklike op 16 November 2015. Besoek op 23 Junie 2014.
  19. ↑ High-Tech Devices Help Drivers Put Down Phone, New York Times, November 21, 2009
  20. ↑ "TxtWatcher Alerts Parents About Kids Texting While Driving | | TxtWatcherTxtWatcher". Txtwatcher.com. 13 Maart 2013. Besoek op 24 Mei 2013.
  21. ↑ "SA Police to look at using high-tech traffic cameras to nab drivers who illegally use mobile phones" (in Engels). Geargiveer vanaf die oorspronklike op 23 Augustus 2014. Besoek op 30 September 2014.
  22. ↑ "WA police bust 1379 texting drivers" (in Engels). Geargiveer vanaf die oorspronklike op 19 Augustus 2014. Besoek op 30 September 2014.

Eksterne skakels

wysig
Ontsluit van "https://af.wikipedia.org/w/index.php?title=Selfoongebruik_tydens_motorbestuur_(teksboodskappe)&oldid=2620164"